ફક્ત ₹2000ના બજેટમાં મધ્ય પ્રદેશની આ શાનદાર જગ્યાઓને કરી શકો છો એક્સપ્લોર

દરેક પ્રવાસી ઓછા ખર્ચમાં વધુને વધુ સ્થળોએ ફરવા માંગે છે. જેઓ કહે છે કે મુસાફરી કરવી ખૂબ જ મોંઘી છે, તો હું એમ જ કહીશ કે હજુ સુધી તેઓ બરોબર ફર્યા જ નથી. ઓછા ખર્ચે એટલે કે બજેટમાં મુસાફરી કરવી ખૂબ જ સરળ છે. તમે એવા સ્થળોએ જવા માગો છો કે જ્યાં ઓછા ખર્ચે ઘણું બધું જોવા મળે. જો તમે હજી પણ આવી જગ્યાઓ વિશે જાણતા નથી, તો અમે તમારી સમસ્યાને હલ કરી નાંખીએ. આવો અમે તમને મધ્યપ્રદેશની એવી જગ્યાઓ વિશે જણાવીએ જ્યાં તમારો કુલ ખર્ચ 2000 રૂપિયા પણ નહીં આવે.

1- ઓરછા

ઓરછા એ મધ્યપ્રદેશના ખૂબ જ લોકપ્રિય સ્થળોમાંનું એક છે. ઓરછા એ મધ્યપ્રદેશના નિવાડી જિલ્લામાં આવેલું એક નાનું શહેર છે. ઓરછાને રામરાજા સરકારના શહેર તરીકે પણ ઓળખવામાં આવે છે. ઓરછામાં જોવા માટે રાજા મહેલ, જહાંગીર મહેલ, શીશ મહેલ, ચતુર્ભુજ મંદિર, રામરાજા મંદિર, લક્ષ્મી પેલેસ, રાજાઓની છત્રીઓ અને બેતવા નદીના કિનારે બનેલ કંચના ઘાટ જોઈ શકાય છે. ઓરછામાં તમને એકદમ સસ્તામાં રૂમો મળી જશે અને જમવા માટે ઘણા ઢાબા છે. બે દિવસમાં તમે ઓરછાને સારી રીતે એક્સપ્લોર કરી શકશો.

2- ખજુરાહો

ખજુરાહો મધ્ય પ્રદેશના બુંદેલખંડ વિસ્તારમાં આવેલું છે. ખજુરાહો તેના પ્રાચીન મંદિરો માટે જાણીતું છે. ખજુરાહો બજેટમાં ફરવા માટેનું શ્રેષ્ઠ સ્થાન છે. ખજુરાહોમાં તમે પશ્ચિમી સમૂહ મંદિર, પૂર્વી સમૂહ મંદિર અને દક્ષિણી સમૂહ મંદિરોને જોઈ શકો છો. મંદિરો ઉપરાંત, તમે અહીં કેન ઘડિયાલ અભયારણ્ય, ગ્રાન્ડ કેન્યોન અને રનેહ વોટરફોલ પણ જોઈ શકો છો. ખજુરાહોમાં એક અદ્ભુત તળાવ છે જ્યાંથી તમે અદભૂત સૂર્યાસ્ત જોઈ શકો છો. ખજુરાહોમાં તમને લોકોની વધારે ભીડ જોવા નહીં મળે.

3- મહેશ્વર

મહેશ્વરને મધ્યપ્રદેશનું બનારસ કહેવામાં આવે છે. અહીંના ઘાટ જોઈને તમને બનારસ યાદ આવશે. આ સુંદર શહેરમાં જોવા માટે ઘણા સુંદર કિલ્લાઓ અને મંદિરો છે. અહીં તમે હોલકરનો કિલ્લો, રજવાડા, રાજ રાજેશ્વર મંદિર, નર્મદા ઘાટ, મહારાજાઓની છત્રીઓ, કાશી વિશ્વનાથ મંદિર અને મહેશ્વર ગઢ જોઈ શકો છો. મહેશ્વરની સાડીઓ પણ ખૂબ પ્રખ્યાત છે. મધ્યપ્રદેશનું આ શહેર બજેટમાં ફરવા માટેનું શ્રેષ્ઠ સ્થળ છે.

4- માંડુ

માંડુ એ મધ્યપ્રદેશના સૌથી જોવાલાયક સ્થળોમાંનું એક છે. માંડુ ઈન્દોરથી લગભગ 90 કિમી દૂર છે. તે માલવામાં આવેલું છે. અહીંના ઐતિહાસિક સ્મારકો જોવાલાયક છે. માંડુમાં, તમારે હિંડોલા મહેલ, જહાઝ મહેલ, હોશાંગ શાહનો મકબરો, જામા મસ્જિદ, બાઝ બહાદુરનો મહેલ, ચંપા બાઓલી અને અશરફી મહેલની મુલાકાત લેવી જોઈએ. માંડુમાં રહેવા માટે ઘણી સસ્તી હોટેલો છે જે તમારી સફરને અદ્ભુત બનાવશે. મધ્યપ્રદેશના આ અદ્ભુત સ્થળની મુલાકાત અવશ્ય લેવી જોઈએ.

5- ચંદેરી

ચંદેરી એ મધ્યપ્રદેશની એવી જગ્યાઓમાંથી એક છે જે તેની સાડીઓ માટે ખૂબ પ્રખ્યાત છે પરંતુ અહીં પણ ઘણું બધું જોવા જેવું છે. મધ્યપ્રદેશના અશોકનગર જિલ્લામાં સ્થિત ચંદેરીને વાવોનું શહેર કહેવામાં આવે છે. ચંદેરીમાં તમે કિલ્લો, બાદલ મહેલ, જામા મસ્જિદ, કાટી ઘાટી, રામનગર મહેલ, કૌશક મહેલ, રાજા રાની મહેલ અને ચંદેરી મ્યુઝિયમ જોઈ શકો છો. આ ઐતિહાસિક સ્થળને ઘણું ઓછું એક્સપ્લોર કરવામાં આવ્યું છે. તમારે અહીં જરૂર જવું જોઇએ.

6- બુરહાનપુર

બુરહાનપુર મધ્યપ્રદેશનું એક નાનકડું સ્થળ છે. આ જગ્યા એટલા માટે પણ જાણીતી છે કારણ કે પહેલા અહીં તાજમહેલ બનવાનો હતો પરંતુ બાદમાં તેને આગ્રામાં બનાવવામાં આવ્યો હતો. બુરહાનપુરમાં તમે અસીરગઢ કિલ્લો, શાહી કિલ્લો, દરગાહ-એ-હકીમી, શાહ નવાઝ ખાનનો મકબરો અને કાળો તાજમહેલ જોઈ શકો છો. બુરહાનપુર એક નાની જગ્યા છે, તેથી અહીં ફરવું બહુ મોંઘું નથી. તમે તમારા બજેટમાં સારી રીતે તેને એક્સ્પ્લોર કરી શકશો.

જો તમે પણ મધ્યપ્રદેશના એવા સ્થળો વિશે જાણતા હોવ જે બજેટમાં એક્સપ્લોર કરી શકાય છે, તો અમને કોમેન્ટ બોક્સમાં જરૂર જણાવો.

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ

તમારા જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો

આ લેખ અનુવાદિત છે. મુખ્ય લેખ વાંચવા માટે અહીં ક્લિક કરો