બોસ હોય તો આવા: કર્મચારીઓને વેકેશન મનાવવા માલદીવ લઈ ગયા!

આમ તો જીવન ઘણું જ ટૂંકું છે; તેમાં પણ કોઈ ખડૂસ બોસના હાથ નીચે કામ કરવું પડે તો વધારે ટૂંકું લાગે છે. એક સર્વે અનુસાર ખૂબ કડક સ્વભાવના બોસને કારણે 77% કર્મચારીઓ તણાવગ્રસ્ત રહે છે.

પણ જો તમે ખુશનસીબ હશો તો તમારા બોસ તમને કારકિર્દી ક્ષેત્રે આગળ વધવા યોગ્ય માર્ગદર્શન અને પ્રોત્સાહન તો આપશે જ, સાથોસાથ તમને ખુશ પણ રાખશે.

આવા જ એક જિંદાદિલ બોસ છે મિક્સ માર્શલ આર્ટસ કંપની ઇવોલ્વના સ્થાપક છત્રી સિત્યોતોંગ.

શું કામ?

કારણકે તેઓ આ કંપનીને વર્ષમાં 30% સુધીનો ફાયદો થયાની ખુશીમાં કંપનીના 100 કર્મચારીઓને માલદીવ વેકેશન મનાવવા લઈ ગયા હતા. એ પણ ફાઇવ સ્ટાર રિસોર્ટમાં ઉતારા સાથે!

વર્ષમાં એક વાર આવો કોઈ પ્રવાસ કરાવનાર ઇવોલ્વના ફાઉન્ડરનુ કહેવું છે કે કંપનીની બધી જ સફળતા પાછળ સૌ કર્મચારીઓની મહેનત જવાબદાર છે. આ પ્રવાસ તેમની નાનકડી પ્રશંસા છે!

"મારા કર્મચારીઓ પૈકી અનેક લોકો દુનિયા ફરવા તો ઈચ્છે છે પણ, સગવડના અભાવે નથી જઈ શકતા. મારી ઇવોલ્વ ટીમમાં મોટા ભાગના લોકો ગરીબ કે પછાત પરિવારના છે. તેમના માટે ગરીબીમાંથી બહાર આવીને તેમના સપનાંની દુનિયા વસાવવા માટે ઇવોલ્વ એ સૌથી મોટું પ્લેટફોર્મ છે. સારા લોકોને સારી તક મળવી જ જોઈએ. આ જ ન્યાય છે. દુનિયામાં કેટલાય લોકો પૈકી આપણે માત્ર અમૂકને જ નોકરીએ રાખી શકીએ છીએ. આવામાં મહેનતુ કર્મચારીને યોગ્ય પુરસ્કાર પણ મળવો જોઈએ. કામના સમયે અમે ખૂબ મહેનત કરીએ છીએ અને ફરવાના સમયે ખૂબ મોજ-મસ્તી કરીએ છીએ." બિઝનેસ એશિયાવન સાથેના ઇંટરવ્યૂમાં તેઓ જણાવે છે.

ઘણા બોસ તો તેમના કર્મચારીઓને એક નાનકડી પાર્ટી આપીને ખુશ કરી દેતા હોય છે જ્યારે સિત્યોતોંગએ પોતાના કર્મચારીઓને પ્રવાસે લઈ જવા 3.3 કરોડ રૂપિયા (3,92,000 યુરો)નો ખર્ચો કર્યો!!

આ રહ્યા તેમની માલદીવ ટ્રીપના અમુક ફોટોઝ જેમાં તેમનો આનંદ સ્પષ્ટપણે જોઈ શકાય છે:

વધુ ફોટોઝ આપ અહીં જોઈ શકો છો.