ભારતમાં સૌથી ઓછી વસ્તીગીચતા ધરાવતા રાજ્ય વિષે તમે શું જાણો છો?

સાવ અન્ડરરેટેડ કહી શકાય એવા આ રાજ્યની વિશેષતાઓ જાણીને તમારી નવાઈનો પાર નહિ રહે.

1. ભારતનું સૌથી પહેલું સંપૂર્ણ ઓર્ગેનિક રાજ્ય

વર્ષ 2016માં સિક્કિમ રાજ્ય દ્વારા સંપૂર્ણ ઓર્ગેનિક રાજ્ય હોવાની ઘોષણા કરવામાં આવી હતી. આ પ્રકારની સિદ્ધિ પ્રાપ્ત કરનાર તે દેશનું સર્વ પ્રથમ રાજ્ય બન્યું હતું.

2. સૌથી ઓછી વસ્તીગીચતા

આપણે સૌ સમજીએ જ છીએ કે વસ્તી એ ભારતની પ્રગતિને અવરોધનાર સૌથી મોટું પરિબળ છે. આ બાબતમાં સિક્કિમ પાસેથી ભારતના તમામ રાજ્યો પ્રેરણા લઈ શકે તેમ છે. સિક્કિમ ભારતનું સૌથી ઓછી વસ્તીગીચતા ધરાવતું રાજ્ય છે.

3. ભારતનું સૌથી સ્વચ્છ રાજ્ય

દેશમાં સૌથી સ્વચ્છ શહેર ઇન્દોર છે એ આપણે સૌ જાણીએ છીએ કારણકે તેને મીડિયાનું પૂરતું ધ્યાન મળે છે. પણ સૌથી સ્વચ્છ રાજ્ય સિક્કિમ છે એ વિષે ભાગ્યે જ કોઈ મીડિયા ઉલ્લેખ કરે છે. અલબત્ત, વિસ્તારની દ્રષ્ટિએ સિક્કિમ એ ભારતનું બીજા ક્રમનું સૌથી નાનું રાજ્ય છે, તો પણ સ્વચ્છતામાં અગ્રેસર હોવું તે એક સિદ્ધિ જ કહેવાય!

4. વિશ્વમાં બીજા ક્રમે સૌથી વધુ તજનું ઉત્પાદન

ગૌતેમાલા પછી આખા વિશ્વમાં બીજા ક્રમે તજનું સૌથી વધુ ઉત્પાદન સિક્કિમમાં થાય છે. સિક્કિમમાં તજ અને આદું આ બંને અર્થોપાર્જનમાં ઉપયોગી પાક છે.

5. દેશમાં સૌથી લાંબો કાર્યકાળ ધરાવતા મુખ્યમંત્રી

કોઈ રાજનેતાનો કાર્યકાળ અમુક વર્ષોમાં હોય તે સમજી શકાય, પણ જો દાયકાઓમાં હોય તો? હા, શ્રી પવન કુમાર ચામલિંગ નામના રાજકારણીએ સિક્કિમમાં 2.5 દાયકા મુખ્યમંત્રી તરીકે હોદ્દો સંભાળ્યો હતો જે અત્યાર સુધીમાં દેશમાં ‘Longest Serving CM’ છે.

6. વિશ્વના સૌથી તીખાં મરચાં

સ્થાનિકો જેને ‘ડલલે ખોરસની’ના નામથી ઓળખે છે તે મરચાંને વિશ્વના સૌથી તીખાં મરચાં હોવાની ઓળખ પ્રાપ્ત થઈ છે.

7. દેશનાં સૌથી ઊંચા સરોવરો અને સૌથી વધુ ગ્લેશિયર

ગુરુદરોંગમાર તેમજ ચો લહામુ નામના સિક્કિમમાં આવેલા બે સરોવરો એ ભારતમાં સૌથી વધુ ઊંચાઈ પર આવેલા સરોવરો છે. વળી, અન્ય કોઈ પણ ભારતીય રાજ્યો તેમજ કેન્દ્રશાસિત પ્રદેશની સરખામણીમાં સિક્કિમમાં સૌથી વધારે સંખ્યામાં ગ્લેશિયર્સ આવેલા છે. સિક્કિમમાં ગ્લેશિયર્સની કુલ સંખ્યા 84 જેટલી છે.

માહિતી અને ફોટોઝ: સિરિન સિક્કિમ

.

તમારી જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો

ટ્રાવેલ અપડેટ માટે Tripoto ગુજરાતીની ટેલિગ્રામ ચેનલ સાથે જોડાવા માટે અહીં ક્લિક કરો

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ