ઓક્ટોબર છે બેસ્ટ મહિનો કાશ્મીર યાત્રા માટે

ત્યાં દરેક સીઝનની એક અલગ જ છટા હોય છે અને કાશ્મીરના મુલાકાતીઓનુ મન મોહી લે છે. જો કે અહીંની દરેક સીઝનની પોતાની ખાસિયત છે. પરંતુ સપ્ટેમ્બરથી નવેમ્બર સુધી એટલે કે પાનખરમાં આ ચિનારોની વાત જ અલગ હોય છે. એવું લાગે છે કે ચારે બાજુ સોનુ પથરાયેલું છે.

ઓક્ટોબર એને નવેમ્બરમાં શું જોવું ? સુધી શું જોવું

* કાશ્મીરમાં પાનખર ઋતુની સુંદરતા જુઓ જે સપ્ટેમ્બરથી શરૂ થાય છે અને નવેમ્બર સુધી ચાલે છે. જ્યારે આ પાંદડા જમીન પર પડે છે ત્યારે તેમનો એક અલગ જ અંદાજ હોય છે.

* કાશ્મીરમાં પાનખર ઋતુમાં ઘણા પાક તૈયાર કરવામાં આવે છે, જેમાં સફરજન, બદામ, કેસર વગેરે મુખ્ય છે.

* જો કે અહીં દરેક ઋતુની પોતાની ખાસિયતો છે, પરંતુ પાનખરમાં આ ચિનારોની વાત જ કંઈક અલગ હોય છે. જાણે ચારે બાજુ સોનુ પથરાયેલું છે.

* કાશ્મીરમાં પાનખર ઋતુ જોવા માટે મોટી સંખ્યામાં પ્રવાસીઓ આવે છે, ફોટોગ્રાફીના શોખીનો માટે આ શ્રેષ્ઠ સમય છે.

* આ પાનખર ઋતુમાં મને કાશ્મીરમા જે અનુભવ થયો છે તે પહેલા ક્યારેય થયો નથી. અહીની સવારનો રંગ કંઈક અલગ જ છે, તો સાંજનો નજારો સાવ અલગ.

આ પછી અહીં શિયાળો શરૂ થાય છે અને ત્રણ મહિના સુધી કડકડતી ઠંડી સાથે ઘાટીઓમાં બરફવર્ષા થાય છે.

એમ તો કાશ્મીરની દરેક ઋતુ સુંદર જ હોય છે, પણ મારુ કહેવુ છે કે આ લોકડાઉનના કંટાળા અને મહિનાઓ સુધી ઘરમાં કેદ રહ્યા પછી તમારે સૌથી પહેલી ટ્રીપ પાનખર ઋતુમા પૃથ્વી પરના સ્વર્ગ એવા કાશ્મીરની કરવી જોઈએ જેથી સ્વર્ગ સરીખી સુંદરતા સાથે આપણે પાનખર પણ જોઈ શકીએ.

કાશ્મીર તમને હિમાલયની બરફથી ઢંકાયેલી સુંદરતાને એક્સપ્લોર કરવા દે છે જાણે અન્ય કોઈ સ્થળ જ નથી. કાશ્મીરની સુંદર ખીણો ઋતુને આધારે લીલીછમ ખીણોમાંથી બરફની સફેદ ચાદરનું સ્વરૂપ લે છે. સૂર્યપ્રકાશ અને તાજી પહાડી હવા વ્યક્તિને કાયાકલ્પનો અહેસાસ કરાવે છે, અને પ્રકૃતિના ઉપહારોની પ્રશંસા કરવા માટે તમારી આસપાસ પૂરતી હરિયાળી છે.

1. શ્રીનગરના ચળકતા સૂર્યના પ્રકાશમા દાલ લેક પર શાંત સવારી ખૂબ જ ખાસ છે.

લીલીછમ પહાડીઓ અને રંગબેરંગી ફૂલોથી ભરપુર શ્રીનગર એ સામગ્રી છે જેમાંથી પોસ્ટકાર્ડ બનાવવામાં આવે છે. અને પ્રખ્યાત દાલ લેક માત્ર તેની અલૌકિક સુંદરતામાં વધારો કરે છે. દાલ લેક પર શિકારાની સવારી કરવાનું ચૂકશો નહીં, પછી ભલે તમને પ્રવાસી વસ્તુઓ કરવાનું પસંદ ન હોય; કાશ્મીરમાં જીવનનો વાસ્તવિક સ્વાદ માણવા હાઉસબોટ પર રહો. પહાડની ટોચ પર બનેલા ભવ્ય શંકરાચાર્ય મંદિર જોવા માટે થોડા સોએક જેટલા પગથિયાં ચડી જાઓ; જે શ્રીનગરનું દિવ્ય દૃશ્ય આપે છે. જેમ જેમ તમે ફરશો, હસતાં ફૂલોને ભુલી નહી શકો, જે પ્રખ્યાત મોગલ ગાર્ડન-ચશ્મે શાહી, નિશાત બાગ અને શાલીમાર બાગમાં વિપુલ પ્રમાણમાં જોવા મળે છે. મોગલો દ્વારા ઉનાળો ગાળવા બાંધવામાં આવેલા આ બગીચાઓમાં ફારસી કોતરણીવાળા વિવિધ ફુવારાઓ છે, જે તેમને શાહી દેખાવ આપે છે. એક જ જગ્યાએ આટલી ભવ્યતા મળવી મુશ્કેલ છે.

2. પશુપાલકોનું અનોખું ગામ પહેલગામ તમને મંત્રમુગ્ધ કરી દેશે

પશુપાલકોનું અનોખું ગામ પહેલગામ તમને મંત્રમુગ્ધ કરી દેશે. અને જો તમે શ્રીનગરના પ્રેમમાં પડ્યા છો તો પછી તમારુ દિલ પહેલગામ માટે જરા સાચવીને રાખજો. શ્રીનગરથી લગભગ 4 કલાક દૂર, જ્યારે તમે આ વિચિત્ર નાના ગામની નજીક પહોંચશો ત્યારે તમને બરફથી ઢંકાયેલા પહાડો અને ઝડપથી દોડતા ઝરણાઓના આકર્ષક દૃશ્યો જોવા મળશે. ચાલીને કે પછી ટટ્ટુ સવારી કરી આ અદભૂત ગામની સુંદરતામાં ડૂબી જાઓ. વ્હાઇટ વોટર રાફ્ટિંગ અને ટ્રેકિંગ માટે જાઓ અથવા અરુ વેલી અને બેતાબ વેલી જેવા લીલાછમ નજારાઓને આનંદ માણો.

એડ્રેનાલિન દિવાનાઓ પહાડની ટોચ પર જઈ શકે છે અને ચંદનવારી પહોંચી શકે છે જ્યાં તેઓ સ્કીઇંગ અથવા સ્લેજીંગમાં હાથ અજમાવી શકે છે અથવા શિખર પર વિજય પ્રાપ્ત કરવા પોતાને પડકાર આપી શકે છે. અને જો આ બધું તમને ખૂબ જ કંટાળાજનક લાગે તો ફિશીંગ કરવા વહેતી નદીના કાંઠે બેસો. જ્યારે તમે એક અથવા બે ટ્રાઉટ પકડશો ત્યારે પ્રકૃતિની ઉદારતા નિહાળશો. જીવનમાં કેટલીક શ્રેષ્ઠ વસ્તુઓ બિલકુલ મફત હોય છે. આહા..!

3. ગુલમર્ગથી ગોનડોલાની સવારી તમને કાશ્મીરની સુંદરતાથી મંત્રમુગ્ધ કરી દેશે.

આમાંથી કેટલીક મફત વસ્તુઓનો આનંદ માણવા માટે તમારે ગુલમર્ગની મુલાકાત લેવી પડશે, જે શ્રીનગરથી લગભગ 2 કલાક અને પહેલગામથી 5 કલાક દૂર છે અને 'મીડો ઓફ ફ્લાવર્સ' તરીકે પણ ઓળખાય છે. જ્યારે કોંગદૂરી પહાડની ટોચ સુધી પહોંચવા માટે તમે ગોંડોલા પકડવા આગળ વધો છો ત્યારે મનોરમ જંગલી ફૂલો અહીં તમારા માટે માર્ગને શણગારે છે. શિખર સુધીની સવારી બે તબક્કામાં વહેંચાયેલી છે. એકવાર તમે ફેઝ વન આવરી લીધા પછી, જો ટોચ પર પહોંચવા માંગતા હો તો તમારે બીજા તબક્કા માટે ટિકિટ ખરીદવાની જરૂર પડશે. બંને તબક્કાની ટિકિટની કુલ કિંમત રૂ .800 - 1000 છે. જે કાઈ ખાસ મોટી રકમ નથી. એકવાર ટોચ પર પહોંચ્યા પછી તમને ખબર પડશે કે ચારે બાજુ માત્ર બરફ અને સૂર્ય સાથે વિશ્વની ટોચ પર રહેવાનો અર્થ શું છે. સ્કીઇંગ વિશે વિચારવું લગભગ અશક્ય છે. થોડી તાજી હવા અને બગીચાઓમાંથી આવતી સ્ટ્રોબેરીની સુગંધ લેવા માટે ડાઉનહિલ તાંગમાર્ગ સુધી જાઓ. આ રસદાર પ્રસન્નતાનું કાર્ટન ખરીદવાનું ભૂલશો નહીં.

4. સોનમર્ગની લીલીછમ વેલી અને ચેરીથી ભરેલા વૃક્ષો તમને આકર્ષિત કરશે.

સ્ટ્રોબેરીથી લઈને ચેરી સુધી કુદરત કાશ્મીર પર મહેરબાન છે. જ્યાં ગુલમર્ગ તમને દુનિયાની બહારના નજારાઓથી આકર્ષિત કરશે ત્યાં સોનમાર્ગ, જેને 'મીડો ઓફ ગોલ્ડ' પણ કહેવામાં આવે છે, અચાનક વરસાદ અને તડકાથી તમને દંગ કરી દેશે. શ્રીનગરથી માત્ર 3 કલાક દૂર, સોનમાર્ગ એક દિવસની સફર માટે સારું સ્થળ છે. સોનમાર્ગમાં હરિયાળીની વચ્ચે ક્યાંક બેસો અને આનંદિત વાતાવરણમાં પીગળી જાઓ અથવા કેટલાક હૃદયસ્પર્શી દૃશ્યો માટે તળેટી સુધી સવારી કરો. વળાંકવાળા રસ્તાઓ અને ચેરીથી ભરેલા વૃક્ષો તમને સોનમાર્ગની અંદર અને બહાર જતા સમયે તમારી પાછળ આવશે અને તમારી સામે નિર્દોષ સ્મિત કરતા કાશ્મીરી લોકોના ખુશખુશાલ ચહેરાઓ તમે ભુલી શકો એવુ લાગતુ તો નથી.

5. કાશ્મીર તમને ઘણા આહલાદક સ્વાદ પણ આપે છે.

માંસ અને શાકભાજી સાથે સમૃદ્ધ અને મસાલેદાર તૈયારી માટે લોકપ્રિય કાશ્મીરી વાનગી વઝવાનને ચાખ્યા વિના કાશ્મીર છોડવું અપરાધ કર્યા બરાબર છે. અહીંની પ્રખ્યાત વાનગીઓ માંસ, સૂકા ફળો અને ઘણાં બધાં દહીં સાથે તૈયાર કરવામાં આવે છે. મોટેભાગે લગ્ન દરમિયાન પીરસવામાં આવે છે અને કાશ્મીરમાં કોઈપણ રેસ્ટોરન્ટમાં સરળતાથી ઉપલબ્ધ છે. ખુદને ગરમ કપ કાવા, ચા, સૂકા ફળો અને એલચીમાંથી બનાવેલ પીણા સાથે ગરમ રાખો. ઘરે જતા તમારા મિત્રો માટે કાવા પેક ખરીદવાનું ભૂલશો નહીં. કુદરતી વૈભવ, સૌમ્ય ચહેરાઓ, તાજી હવા, સુંદર પહાડો, મોમાં પાણી લાવનાર ભોજન અને યાદોની ભરમાર..! વેકેશનમા આનાથી વધુ શું જોઈયે.

કાશ્મીર કેવી રીતે પહોંચવું:- શ્રીનગર માટે ફ્લાઇટ અથવા જમ્મુ માટે ટ્રેન લો અને જમ્મુ સ્ટેશનથી કેબ ભાડે લો.

મુસાફરી દરેક માટે છે.

તમારી જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો.

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો.

બંગાળી અને ગુજરાતીમાં સફરાનામો વાંચવા અને શેર કરવા માટે Tripoto બાંગ્લા અને Tripoto ગુજરાતી ને અનુસરો.

Tripoto હિન્દી ઇન્સ્ટાગ્રામ પર જોડાઓ અને ફિચર થવની તક મેળવો.

ટ્રાવેલ અપડેટ માટે Tripoto ગુજરાતની ટેલિગ્રામ ચેનલ સાથે જોડાવા માટે અહીં ક્લિક કરો.

આ લેખ અનુવાદિત છે. મુખ્ય લેખ વાંચવા માટે અહીં ક્લિક કરો.

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સીવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ.