તત્તાપાનીઃ એડવેન્ચર ટ્રિપની લેવા માંગો છો મજા તો હિમાચલની આ ઑફબીટ જગ્યા છે બેસ્ટ ઑપ્શન

હિમાચલના સુંદર મેદાનો અને ખીણો હંમેશાથી પ્રવાસીઓને પોતાની તરફ આકર્ષે છે. ઊંચા પહાડો, ખળ ખળ વહેતી નદીઓ, સુંદર ઝરણા અને ત્યાંની હવાઓ મનને મોહી લે છે. એવી જ એક જગ્યા છે "તત્તાપાની" જે હિમાચલ પ્રદેશના મંડી જિલ્લામાં સ્થિત એક લોકપ્રિય પર્યટન સ્થળ છે. તત્તાપાનીનો શાબ્દિક અર્થ છે ગરમ પાણી. શિમલાથી 50 કિ.મી. દૂર સ્થિત તત્તાપાની પોતાના ગરમ પાણીના ઝરણા માટે ઓળખાય છે. સાથે જ આ સ્થાન પોતાની એડવેન્ચર એક્ટિવિટીઝ માટે પણ ફેમસ છે. કહેવાય છે કે કેટલાક વર્ષ પહેલા સુધી અહીંના લોકલ લોકો ઉપરાંત, આ જગ્યા અંગે કોઇ નહોતું જાણતું. આ ટ્રિપ બજેટમાં થનારી એડવેન્ચર ટ્રિપ છે. તમે અહીં પોતાના બજેટમાં એડવેન્ચરની મજા લઇ શકો છો.

ઔષધિ ગુણવાળુ પાણી

તત્તાપાણી ધર્મશાલાથી લગભગ 35 કિલોમીટર દૂર આવેલું છે. સતલજ નદીના કિનારે વહેતુ ઝરણું આ ક્ષેત્રમાં પર્યટકો માટે મુખ્ય આકર્ષણ પૈકીનું એક છે. માન્યતા છે કે આ પાણીમાં ઘણાં ઔષધિય ગુણ જોવા મળે છે. અહીં વસંત જળને ક્યૂરેટિવ શક્તિઓ કહેવાય છે. જે સાંધાને દર્દ, થાક, તણાવથી રાહત અને ખરાબ રક્ત પરિસંચરણ જેવી બીમારીઓથી રાહત આપે છે અને ત્વચા સંબંધી રોગોને ઘટાડે છે.

એડવેન્ચર એક્ટિવિટીઝ

એડવેન્ચર ડ્રાઇવ

શિમલાથી તત્તાપાનીના ડ્રાઇવ વચ્ચે લગભગ 50 કિલોમીટરનું અંતર છે. તેમાં તમે એડવેન્ચર ડ્રાઇવની પૂરી મજા લઇ શકો છો. આ આખા રસ્તે યાત્રા દરમિયાન પહાડોના આકર્ષક નજારા જોવા મળે છે તેની હરિયાળી તમારા મનને ખુશ કરી દેશે. આ ઉપરાંત, રસ્તામાં ધાર્મિક સ્થળ પણ આવે છે. જેના દર્શન તમે કરી શકો છો. દેશભરમાં બાઇકર ગ્રુપ્સ અહીં ડ્રાઇવ માટે આવે છે. આ સાથે જ લોકો સતલજ નદીના કિનારે સાઇકલિંગની મજા પણ માણી શકે છે.

ટ્રેકિંગ

જો તમને ટ્રેકિંગનો શોખ છે તો આ જગ્યા તમારા માટે એકદમ પરફેક્ટ છે. લાંબા લાંબા દેવદારના ઝાડ અને તેમની વચ્ચે કલાકો પગપાળા ચાલવાનું કંઇક અલગ જ શાંતિ આપે છે. સાથે જ રસ્તામાં તમને ઘણાં વોટરફૉલ પણ જોવા મળે છે. ટ્રેકિંગ તત્તાપાની ચર્ચિત એક્ટિવિટીમાંની એક છે.

રિવર રાફ્ટિગનો રોમાંચ

તત્તાપાનીમાં દેશભરના લોકો રિવર રાફ્ટિંગ કરવા માટે આવે છે. આ અહીંની સૌથી લોકપ્રિય એક્ટિવિટી છે. સતલજ નદીમાં લોટીથી શરુ કરીને ચાબા સુધી રિવર રાફ્ટિંગ થાય છે. અહીં વાદળી રંગના ચમચમાતા પાણીમાં રાફ્ટિંગ કરવાનો રોમાંચ જ કંઇક અલગ છે. આ ઉપરાંત, તત્તાપાનીમાં બોટિગ કરવાનો આનંદ પણ લઇ શકાય છે.

તત્તાપાની આવવાનો યોગ્ય સમય

આમ તો તમે વર્ષના કોઇ પણ સમયે અહીં આવી શકો છો પરંતુ મેથી જૂન સુધી આવવું જોઇએ. આ સમયે તમે અહીં એડવેન્ચરની મજા લઇ શકશો.

ક્યાં રોકાશો

આમ તો આ જગ્યા વધારે મોંઘી નથી. તમે અહીં પોતાના બજેટના હિસાબે હોટલ, ગેસ્ટ હાઉસ કે લકઝરી રિસોર્ટ લઇ શકો છો. જ્યાંથી તમે કુદરતી સુંદર નજારાની મજા લઇ શકો છો.

કેવી રીતે પહોંચશો

હવાઇ માર્ગે

તત્તાપાની જવા માટે તમારે શિમલા એરપોર્ટ પર જવું પડશે. અહીં લગભઘ બધી જગ્યાએથી વિમાન મળી જશે. અહીંથી તમે ટેક્સી કે ખાનગી સાધન દ્ધારા તત્તાપાની પહોંચી શકો છો. જો એરપોર્ટથી 70 કિ.મી. દૂર છે.

ટ્રેન દ્ધારા

અહીંથી સૌથી નજીકનું રેલવે સ્ટેશન શિમલા રેલવે સ્ટેશન છે. અહીંથી તત્તાપાની 55 કિ.મી.ના અંતરે છે. જ્યાં પહોંચવામાં લગભગ 3 કલાકનો સમય લાગશે.

રોડ માર્ગે

અહીં રોડ માર્ગ દ્ધારા તમે કોઇપણ શહેર સુધી પહોંચી શકો છો.

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ

તમારા જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો

ટ્રાવેલ અપડેટ માટે Tripoto ગુજરાતની ટેલિગ્રામ ચેનલ સાથે જોડાવા માટે અહીં ક્લિક કરો

આ લેખ અનુવાદિત છે. મુખ્ય લેખ વાંચવા માટે અહીં ક્લિક કરો