ઇન્દોરની આ ડરામણી જગ્યાઓ તમે જોઇ છે? ઘણી રસપ્રદ કહાનીઓ માટે છે ફેમસ

મધ્યપ્રદેશનું ઈન્દોર શહેર દેશનું સૌથી સ્વચ્છ શહેર છે. ઈન્દોરમાં જોવાલાયક એક નહીં પરંતુ અનેક સ્થળો છે જ્યાં દર વર્ષે હજારો દેશી અને વિદેશી પ્રવાસીઓ આવે છે. લાલબાગ પેલેસ, રજવાડા, પ્રખ્યાત કાંચ મંદિર, રાલામંડલ વન્યજીવ અભયારણ્ય અને પાતાલપાણી વોટરફોલ વગેરેની દરરોજ હજારો દેશી અને વિદેશી પ્રવાસીઓ મુલાકાત લે છે.

પરંતુ જો તમને પૂછવામાં આવે કે શું તમે ઈન્દોરની ગલીઓમાં ભૂતિયા સ્થળો વિશે જાણો છો, તો તમારો જવાબ શું હોઈ શકે છે. કદાચ તમે કહો કે તમારી પાસે તેના વિશે વધુ માહિતી નથી. આવી સ્થિતિમાં, જો તમે પણ ઇન્દોરના ભૂતિયા સ્થળો વિશે જાણવા માગો છો, તો તમારે આ લેખ અવશ્ય વાંચવો જોઈએ. કારણ કે આજે આ લેખમાં અમે તમને ઈન્દોરની સ્વચ્છ ગલીઓમાં કેટલીક ભૂતિયા જગ્યાઓ વિશે જણાવવા જઈ રહ્યા છીએ જ્યાં કોઈ પણ વ્યક્તિ એકલા જવાથી ડરે છે. તો ચાલો જાણીએ આ જગ્યાઓ વિશે.

કાઝીની ચાલ

કાઝીની ચાલ ઈન્દોર શહેરની સૌથી ડરામણી જગ્યાઓમાંથી એક છે. એવું કહેવાય છે કે આજે પણ સૂર્યાસ્ત થતાંની સાથે જ કોઈ આ સ્થાનની આસપાસ જવાથી ડરે છે. ખાસ કરીને કોઈ એકલા જવાની હિંમત કરતું નથી. બીજી એક કહાની એવી છે કે થોડા વર્ષો પહેલા આ જગ્યાએ એક યુવતીએ પોતાની જાતને સળગાવીને આત્મહત્યા કરી લીધી હતી, ત્યાર બાદ લોકો અહીં જવાથી ખુબ જ ડરે છે. સ્થાનિક લોકોનું માનવું છે કે આ દુર્ઘટના બાદ સૂર્યાસ્ત થતાંની સાથે જ અહીંથી વિચિત્ર અવાજો આવે છે. કાઝીની ચૌલની બાજુમાં આવેલા ગોમા કી ફેલ પણ એક ડરામણી જગ્યા છે.

ગમલેવાલી પુલિયા

ઈન્દોરની ગમલે વાલી પુલિયા સ્થળ એક ડરામણી જગ્યા છે. આ એક રસ્તો છે. સ્થાનિક લોકોનું માનવું છે કે રાતના અંધારામાં સફેદ સાડી પહેરેલી મહિલા આ પુલ પર દેખાય છે. એવું કહેવાય છે કે ઘણી વખત મહિલા રાતના અંધારામાં અચાનક પ્રવાસી મુસાફરને રોકે છે અને લિફ્ટ માંગે છે. જેના કારણે આ રોડ પર અવારનવાર અકસ્માતો સર્જાય છે. સ્થાનિક લોકોનું માનવું છે કે રાત્રે 12 વાગ્યા પછી આ રસ્તા પરથી જવામાં દરેકને ડર લાગે છે.

લાલ બાગ પેલેસ

ઈન્દોરનો લાલ બાગ પેલેસ પણ શહેરના ભૂતિયા સ્થળોમાંથી એક છે. હોલકર રાજ્યમાં બનેલો લાલબાગ પેલેસ 72 એકરમાં ફેલાયેલો છે, જે તેની ભવ્યતા, કલાત્મકતા અને સુંદરતાનું અનોખું ઉદાહરણ છે. તુકોજીરાવ દ્ધિતીયના શાસન દરમિયાન 1877 માં રાજ્યના એન્જિનિયર શ્રી કેરે દ્વારા તેને બનાવવાની યોજના બનાવવામાં આવી હતી. તે ક્રાઉન પ્રિન્સ શિવાજીરાવ હોલ્કરના નિવાસસ્થાન તરીકે બાંધવામાં આવ્યું હતું. આ મહેલ 1884 સુધીમાં બનીને તૈયાર થયો હતો. તેના બાંધકામમાં રોમન શૈલી, પેરિસના મહેલોની સજાવટ, બેલ્જિયન કાચની કલા, કલાત્મક ઝુમ્મર, કસારા માર્બલ સ્તંભો છે. દરબાર હોલમાં છત પર ખૂબ જ સુંદર ચિત્રો જોઈ શકાય છે. આ ઉપરાંત તેને કિંમતી, કલાત્મક ફર્નિચર અને કાર્પેટથી શણગારવામાં આવ્યું હતું.

1853માં મહારાજા તુકોજીરાવ બીજાએ લાલબાગનું લેન્ડસ્કેપિંગ પોતાની હાજરીમાં કરાવ્યું. તેનું લેન્ડસ્કેપિંગ પ્રખ્યાત બાગાયતશાસ્ત્રી શ્રી હાર્વે દ્વારા કરવામાં આવ્યું હતું. 1911 સુધીમાં લાલબાગ પેલેસને યુરોપિયન લુક આપવામાં આવ્યો હતો. આ મહેલને 1921માં ફરીથી શણગારવામાં આવ્યો હતો અને 1936 અને 1938ની વચ્ચે તેના પરિસરમાં 1600 પ્રજાતિના ગુલાબ વાવવામાં આવ્યા હતા. તેની એક વિશેષતા એ છે કે તેનો મુખ્ય દરવાજો ઈંગ્લેન્ડના બકિંગહામ પેલેસની જેમ બનાવવામાં આવ્યો હતો. બીડથી બનેલા આ મુખ્ય દરવાજાને જહાજ દ્વારા મુંબઈ લાવવામાં આવ્યો હતો અને ત્યાંથી તેને રોડ માર્ગે ઈન્દોર લાવવામાં આવ્યો હતો. પેલેસના દ્વાર પર હોલકર રાજનું પ્રતીક પણ બનાવવામાં આવ્યું હતું અને તેના પર અષ્ટધાતુના બે સિંહ પણ બનાવવામાં આવ્યા હતા.

દર મહિને હજારો લોકો અહીં મુલાકાત લેવા આવે છે અને તેમાંથી ઘણા માને છે કે આ મહેલ ભૂતિયા છે. લોકો માને છે કે આ મહેલ પર કોઈ દુષ્ટ આત્માનો પડછાયો છે. સ્થાનિક લોકોનું માનવું છે કે રાત્રે અહીંથી ચીસો અને બૂમો જેવા અવાજો આવે છે. તમને જણાવી દઈએ કે સૂર્યાસ્ત થતાની સાથે જ આ મહેલની આસપાસ કોઈ ફરવા નથી જતું.

ફૂટી કોઠી

ઈન્દોરની ફૂટી કોઠીની વાર્તા ખૂબ જ રસપ્રદ છે. એવું કહેવાય છે કે તે સમયના રાજા પણ કેટલાક રહસ્યમય કારણોસર આ કોઠીનું નિર્માણ કરાવી શક્યા ન હતા. થોડા વર્ષો પહેલા લોકો અહીં પિકનિક માટે આવતા હતા પરંતુ હવે આવતા નથી. તમારી જાણકારી માટે તમને જણાવી દઈએ કે આ કોઠીમાં ન તો છત છે અને ન તો દરવાજા. ઘણા લોકો માને છે કે જ્યારે તેઓ અહીં જાય છે ત્યારે હવામાં કંઈક વિચિત્ર અનુભવ થાય છે. આજે આ જગ્યા જર્જરિત હાલતમાં છે.

અશુભ હવેલી સિવાય તેને શાપિત કોઠી પણ કહેવામાં આવે છે. નવાઈની વાત એ છે કે આ કોઠીને લઈને લોકોમાં એટલો ડર હતો કે ડર દૂર કરવા માટે અહીં મંદિરો બનાવવા પડ્યા. એવું કહેવાય છે કે ભૂત બંગલા તરીકે પ્રખ્યાત ફૂટી કોઠી પોતાની અંદર ઘણા રહસ્યો સંગ્રહીને બેઠી છે. આમ તો તે સુદામા નગરમાં એક અર્ધ-શાહી નિવાસસ્થાન છે અને હોલકર સ્થાપત્યનો એક અનોખો નમૂનો છે, પરંતુ તે વર્ષોથી ભૂતની વાર્તાઓ સાથે સંકળાયેલું છે.

ફૂટી કોઠીનું બાંધકામ 1886માં શરૂ થયું અને 1902માં અધૂરું રહી ગયું. ઈમારતનું બાંધકામ તુકોજીરાવ હોલકરે શરૂ કરાવ્યું હતું. એવું માનવામાં આવે છે કે હોલ્કરોએ કદાચ અંગ્રેજો સાથે સ્પર્ધા કરવા માટે આ આયોજન કર્યું હતું. આ બિલ્ડિંગમાં અંદાજિત 365 રૂમ છે, જે હાલમાં બંધ છે. ઉપરાંત, હિંદુ દેવતાઓના અઢાર અર્ધ-નિર્મિત મંદિરો છે, જે લોકોના ડરને દૂર કરવા માટે ખૂબ પાછળથી બનાવવામાં આવ્યા હતા. તે મૂળ યોજનાનો ભાગ ન હતા.

શું છે ફૂટી કોઠી સાથે જોડાયેલી વાર્તાઓ?

એવું પણ કહેવાય છે કે મહારાજા દરવાજો રિપેર કરવા માટે ઈંગ્લેન્ડથી એક રાજમિસ્ત્રીને લાવ્યા હતા, પરંતુ તેઓ તેમનું કામ કરવામાં નિષ્ફળ ગયા કારણ કે જ્યારે પણ તેમણે દરવાજો રિપેર કરવાનો પ્રયાસ કર્યો ત્યારે એક રહસ્યમય પવન તેને ઉડાવી દેતો હતો. ટેકનિકલી રીતે હવેલી બધા માટે ખુલ્લી છે, પરંતુ તેના રૂમ અને રસ્તા બંધ છે.

એમજી રોડ પર ખાલી મકાન

એમજી રોડ ઈન્દોર શહેરના સૌથી વ્યસ્ત સ્થળોમાંનું એક છે. આ રોડની બાજુમાં એક ખાલી ઈમારત છે જે એક ડરામણી જગ્યા તરીકે પ્રખ્યાત છે. સ્થાનિક લોકોનું માનવું છે કે થોડા વર્ષો પહેલા આ બિલ્ડિંગમાં એક મહિલાએ આત્મહત્યા કરી લીધી હતી. આ ઘટના બાદ મહિલાની ડેડ બોડી ઘણા દિવસો સુધી એ જ બિલ્ડિંગમાં હતી. આ ઘટના બાદ આ ઈમારતમાં અજીબોગરીબ ગતિવિધિઓ જોવા મળી હતી, જેના પછી કોઈપણ અહીં જતા ડરે છે.

હવે પછી જ્યારે પણ તમે ઈન્દોરની મુલાકાત લેવા જશો, ત્યારે તમે ચોક્કસપણે શહેરના આ ભૂતિયા સ્થળોની મુલાકાત લેવા ઈચ્છશો. જો કે, આ સ્થળોની મુલાકાત લેવા માટે તમે એકલા ન જાવ તો વધુ સારું રહેશે. અહીં તમે એક ગ્રુપમાં જ ફરવા માટે નીકળો.

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ

તમારા જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો