એવા દેશ જ્યાં એક પ્લેટ ભોજન માટે ખર્ચવા પડશે 10 હજાર રૂપિયા, ફરવા જતા પહેલાં 10 વાર વિચાર કરજો

દુનિયામાં ફરવા માટે એક કરતાં વધુ જગ્યાઓ છે. ઐતિહાસિક અને ધાર્મિક સ્થળો હોય કે પછી સુંદર પ્રાકૃતિક સ્થળો, આ પૃથ્વી પર દરેક વસ્તુ હાજર છે જે લોકોને આકર્ષે છે.

હરવા ફરવાના જેટલા વધુ ઓપ્શન દુનિયામાં છે એટલા જ ખર્ચાળ અને સસ્તા વિકલ્પો પણ અહીં ઉપલબ્ધ છે. નાનીથી મોટી દરેક વસ્તુ સસ્તાથી મોંઘા ભાવે મળી રહે છે. એ જ રીતે દરેક શહેર, દેશ અને રાજ્યનું પોતાનું મોંઘવારીનું સ્તર હોય છે. આજે અમે તમને દુનિયાના આવા જ કેટલાક મોંઘા દેશો વિશે માહિતી આપીએ છીએ, જ્યાં રહેવું દરેકને પોસાય તેમ નથી.

ભલે આ જગ્યા ગમે તેટલી મોંઘી હોય, પણ પ્રવાસીઓ અહીં આવવાનું ચૂકતા નથી, કારણ કે આ દેશોની સુંદરતા કોઈને પણ દિવાના કરી શકે છે. જો તમે પણ વિદેશ પ્રવાસનું આયોજન કરી રહ્યા છો, તો તમે આમાંથી કોઈ પણ જગ્યાની મુલાકાત લઈ શકો છો.

તમે બધાએ લોકોને એવું કહેતા સાંભળ્યા હશે કે આ દેશમાં મોંઘવારી ભારત કરતા વધારે છે અથવા તો આ દેશની મુલાકાત લેવી ખૂબ મોંઘી પડશે, પરંતુ શું તમે ક્યારેય વિચાર્યું છે કે આવું કેમ છે? એવા ઘણા લોકો છે જેઓ મુસાફરીના ખૂબ જ શોખીન હોય છે, પરંતુ માહિતીના અભાવે તેમના માટે આ ટ્રાવેલ પ્લાન ખૂબ મોંઘો પડી જાય છે. કારણ કે આ દેશોમાં પ્રવાસ કરતાં ખાવાનું મોંઘું થઈ જાય છે.

નોર્વેમાં ફરવું મોંઘું પડી શકે છે

આ એક એવો દેશ છે જ્યાંની મોંઘવારી વિશે સાંભળીને તમે ચોંકી જશો. અહીં 25 ટકા વેટ ભરવો પડેછે, ખાદ્યપદાર્થો પર 15 ટકા ટેક્સ પણ ભરવો પડશે.

છે. આ દેશ દુનિયાના સૌથી મોંઘા દેશની યાદીમાં પહેલા નંબર પર આવે છે. ખાદ્યપદાર્થો પર 15% ટેક્સ તમને ખૂબ ઓછો લાગે છે, પરંતુ તેમ છતાં તે ખૂબ ખર્ચાળ માનવામાં આવે છે.

ડેનમાર્ક પણ મોંઘવારીમાં આગળ

સસ્તામાં રહેવાની ઇચ્છા રાખતા લોકો માટે ડેનમાર્ક બિલકુલ પરફેક્ટ નથી. તેની રેસ્ટોરાંની કિંમતો વિશ્વમાં સૌથી વધુ છે. મિડ-રેન્જ રેસ્ટોરન્ટમાં બે લોકો માટે ત્રણ-કોર્સ ભોજનની કિંમત લગભગ 600 ડેનિશ ક્રોન એટલે કે રૂ. 6,800 છે. એ જ રીતે ડેનમાર્કની રાજધાની કોપનહેગન વિશ્વના સૌથી મોંઘા દેશોમાંનું એક છે. જો તમે વિદેશી છો અને ડેનમાર્કમાં રહેવાનું વિચારી રહ્યા છો, તો તમે ઉચ્ચ ગુણવત્તાયુક્ત જીવનનો આનંદ માણી શકો છો. જો તમે ડેનમાર્કમાં તમારા પરિવાર સાથે રહેવાનું વિચારી રહ્યા છો, તો અહીં કોસ્ટ ઓફ લિવિંગ ઘણું વધારે છે.

મોંઘા દેશોની યાદીમાં બર્મુડાનો પણ સમાવેશ થાય છે

મોંઘવારી અને જીવનશૈલીના સંદર્ભમાં બર્મુડા અમેરિકાને સખત સ્પર્ધા આપે છે. પરંતુ અહીં રહેતા લોકોને ખાવા માટે ઘણા પૈસા ખર્ચવા પડે છે. તેથી, ફરવા માટે આવતા લોકો માટે પણ આ દેશ ઘણો મોંઘો સાબિત થાય છે. તેનું કારણ એ છે કે ઉત્તર એટલાન્ટિક મહાસાગરમાં સ્થિત એક ટાપુ, દરિયાઈ સ્થળ હોવાને કારણે અહીં ખેતી કરવામાં આવતી નથી. જેના કારણે જરૂરી વસ્તુઓ અન્ય દેશોમાંથી ખરીદવી પડે છે. મોટાભાગની સામગ્રી અમેરિકાથી લેવામાં આવે છે. જેના કારણે અહીં રહેવા, ખાવા-પીવાની અને વસ્તુઓની કિંમતો ઘણી વધારે છે. મોટાભાગની સામગ્રી યુએસમાંથી આયાત કરવામાં આવતી હોવાથી પરિવહન ખર્ચ, કસ્ટમ ડ્યુટી અને મજૂરીને કારણે આ માલને મોંઘો બનાવે છે.

હોટલમાં એક રાત્રિ રોકાણનું સરેરાશ ભાડું 25 હજાર રૂપિયાની આસપાસ

અહીં રહેતા લોકોને અન્ય દેશોની સરખામણીમાં અનેક ગણી વધારે કિંમત ચૂકવવી પડે છે. આ સિવાય અન્ય દેશોની સરખામણીમાં અહીં રહેવા, જમવાનું, વીમો અને અન્ય ખર્ચ વધુ થાય છે. પ્રવાસીઓ માટે અહીં રોકાવું અને ખરીદી કરવી પણ ખૂબ મોંઘી છે કારણ કે નફાની સાથે આ સામાન પર સેલ્સ ટેક્સ પણ વસૂલવામાં આવે છે. આ હોવા છતાં, બર્મુડામાં રેસ્ટોરાં, હોટલ અને બાર પણ ખૂબ મોંઘા છે. અહીંની હોટલમાં એક રાત્રિ રોકાણનું સરેરાશ ભાડું 25 હજાર રૂપિયાની આસપાસ છે. બીજી રસપ્રદ વાત એ છે કે બર્મુડામાં રહેતા લોકોને અન્ય દેશોની સરખામણીમાં વધુ પગાર મળે છે. જેના કારણે અહીંના લોકોની કમાણી અને પગારમાં મોંઘવારીની અસર જોવા મળી રહી છે.

સ્વિટ્ઝર્લૅન્ડ

સ્વિટ્ઝર્લેન્ડની ગણતરી વિશ્વના સૌથી સુંદર દેશોમાં થાય છે અને અહીં મોટી સંખ્યામાં પ્રવાસીઓ ફરવા આવે છે. આ જગ્યા જેટલી તેની સુંદરતા માટે જાણીતી છે એટલી જ મોંઘી પણ છે અને અહીં રહેવું દરેકની પહોંચમાં નથી.

લક્ઝમબર્ગ

લક્ઝમબર્ગ પશ્ચિમ યુરોપનો એક નાનો દેશ છે. એક્સપેટિસ્તાનના એક અહેવાલ મુજબ, લક્ઝમબર્ગમાં રહેવાની કિંમત પશ્ચિમ યુરોપના 81% શહેરો કરતાં વધુ મોંઘી છે. તદુપરાંત, તે વિશ્વના 85% શહેરો કરતાં વધુ મોંઘું છે. કેટલાક લોકો તેમની સાપ્તાહિક ખરીદી માટે સરહદ પાર કરે છે. કારણ કે લક્ઝમબર્ગ કરતાં ફ્રાન્સમાં દૂધથી લઈને બીફ અને બિયર સુધીની દરેક વસ્તુ ઘણી સસ્તી છે.

આઇસલેન્ડ

થોડા વર્ષોથી, આઇસલેન્ડ ટ્રાવેલ બ્લોગર્સ અને પ્રકૃતિ પ્રેમીઓ માટે ખૂબ જ લોકપ્રિય સ્થળ બની ગયું છે. ઘર બનાવવાની દૃષ્ટિએ અહીં રહેવાનો ખર્ચ મોંઘો નથી. પરંતુ અહીં ખાવાનું અને કરિયાણું ઘણું મોંઘું છે. આઇસલેન્ડને તેની મોટાભાગની ખાદ્ય ચીજવસ્તુઓ અન્ય દેશોમાંથી આયાત કરવાની ફરજ પાડવામાં આવે છે, જે ખર્ચમાં વધારો કરે છે અને ખોરાક મોંઘો બનાવે છે.

સિંગાપુર

સિંગાપોર લોકો માટે ફરવાનું મનપસંદ સ્થળ છે અને પ્રવાસીઓ અવારનવાર અહીં સારો સમય પસાર કરવા આવે છે. પરંતુ તે ખૂબ જ ખર્ચાળ છે અને અહીં દરેક વસ્તુ ખૂબ મોંઘી છે.

યુકે

યુકે તેની સુંદરતા માટે આખી દુનિયામાં પ્રખ્યાત છે અને બહારથી લોકો અહીં મોટી સંખ્યામાં આવે છે. તે મોંઘો હોવાની સાથે સાથે સમૃદ્ધ દેશ પણ માનવામાં આવે છે અને અહીં ખાવા-પીવાનું, રહેવાનું બધું જ મોંઘું છે.

ઓસ્ટ્રેલિયા

ઑસ્ટ્રેલિયા એક સુંદર સ્થળ છે અને ત્યાં ફરવા માટે અસંખ્ય સ્થળો છે. પર્યટનના દૃષ્ટિકોણથી અહીં જવાનું હજી ઠીક છે, પરંતુ અહીં રહેવું અને તમામ ખર્ચાઓની જાળવણી કરવી ખૂબ ખર્ચાળ છે.

યાદીમાં ભારત કયો નંબર છે?

વર્લ્ડ બેંકના રિપોર્ટ અનુસાર, બર્મુડા, સ્વિટ્ઝર્લેન્ડ, કેમેન આઇલેન્ડ, બહામાસ, આઇસલેન્ડ, સિંગાપોર, બાર્બાડોસ, નોર્વે, ડેનમાર્ક અને ઓસ્ટ્રેલિયા વિશ્વના ટોપ 10 મોંઘા દેશો છે. પાકિસ્તાન વિશ્વના સૌથી સસ્તા શહેરોમાંનું એક છે, જ્યારે ભારત 138માં સ્થાને છે. આ લિસ્ટ દર વર્ષે બદલાય છે અને તેના અનુસાર પાકિસ્તાન 140માં સ્થાને છે અને ભારત 138માં સ્થાને છે.

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ

તમારા જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો