આપણામાંથી ઘણા લોકોએ ભાનગઢ વિષે સાંભળ્યું હશે, પરંતુ ચકવા વિષે કેટલા જાણે છે?

ભારત એ રહસ્યોની ધરતી છે. અને એમાં પણ જો પેરાનોર્મલ અનુભવોની વાત આવે તો ઘણા લોકોના કાં સરવા થઇ જાય છે. ઘણા લોકો ભાનગઢની આવી જ વાતો વિષે જાણતા હશે અને ક્યારેક એનો પ્રત્યક્ષ અનુભવ પણ કરવા માંગતા હશે. ભાનગઢની જેમ જ ભારતમાં અન્ય ઘણા હોન્ટેડ સ્થળો છે જે મોટાભાગના હિલ સ્ટેશન અથવા જંગલો સાથે જ સંકળાયેલા સાંભળવા મળે છે.

આવું જ એક સ્થળ છે કોંકણમાં. મહારાષ્ટ્રથી ગોવા સુધી ફેલાયેલો કોંકણ વિસ્તાર એ એના પશ્ચિમી ઘાટની ઓફ રોડ રાત્રી ટ્રાવેલિંગના રહસ્યમય અનુભવો માટે જાણીતો છે. ઘણા ટ્રેકિંગ ગ્રુપ્સ અથવા ડ્રાઈવરને અહીંયા વિચિત્ર અનુભવો થયા છે.

આ અનુભવોને સ્થાનિકો ચકવા કહે છે. ચકવા એ કોંકણ સંસ્કૃતિની એક સ્પિરિટ માનવામાં આવે છે જે આમ તો હાનિકારક નથી પરંતુ એકલા મુસાફરોને હેરાન કરીને એમાંથી આનંદ લે છે. જોકે સવારે સૂર્યના કિરણો પડતા જ એની અસર જતી રહે છે અને મુસાફરોને પોતાનો રસ્તો મળી રહે છે. એવું પણ બની શકે કે મુસાફરો રાત્રે એકલા સફર ન કરે એ માટે આ વાર્તા ઘડી કાઢવામાં આવી હોય, પણ કોને ખબર?

ઘણા મુસાફરોની જેમ જ મારા 2 મિત્રો આ કોંકણ વિસ્તારના પ્રસિદ્ધ બીચ અને ઘાટ જોવા માટે નીકળ્યા હતા પરંતુ એમને જંગલો સુધી પહોંચતા એમને રાતના 10 જેવો સમય થઇ ચુક્યો હતો.

એ બંને જયારે સ્થાનિક ગામડું પસાર કરીને અંધારા રસ્તા પર આગળ વધ્યા ત્યારે તેમને એ રોડ સાઈડ પર એક ટ્રક પાર્ક કરેલો જોયો, એમને થયું કે આ અંધારા રસ્તામાં ટ્રક શું કરે છે! પરાતનું તેઓ આગળ નીકળી ગયા. તેમના આષ્ચર્ય સાથે આગળ રસ્તા પર એમને એ જ રજીસ્ટ્રેશન નંબર સાથેનો એ જ ટ્રક ફરીથી દેખાયો!

એમના આશ્ચર્ય સાથે આગળ વધતા તેમને એજ ફૂલોની સુગંધ સાથેના વૃક્ષો અને ફરીથી એ જ ટ્રક દેખાયો! અત્યાર સુધી વાર્તાઓમાં સાંભળેલી વાતો એમની સાથે હકીકતમાં બની રહી હતી! ડર લાગતો હતો પરંતુ ગાડી ઉભી રાખવાનો તો સવાલ જ ન હતો! એમને ડ્રાઇવિંગ શરુ રાખ્યું અને આગળ વધતા એમને થોડા ખાલી પડેલા ઘરો દેખાયા.

પછી એક મિત્ર જે આગલા મહિને જ અહીંથી પસાર થયો હતો એને કોલ કરીને મદદ લઈને એ લોકો માંડ સાચા રસ્તે પહોંચ્યા! બીજા દિવસે ગામડાના લોકો પાસેથી એમને "ચકવા" વિષે જાણ્યું. ઘડીભર એમને પણ વિશ્વાસ ન થયો પરંતુ, સ્વીકારવા સિવાય કોઈ રસ્તો ન હતો!

તમને પણ આવા વિચિત્ર અનુભવો થયા હોય તો જણાવો અમને!

.

તમારી જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો

ટ્રાવેલ અપડેટ માટે Tripoto ગુજરાતીની ટેલિગ્રામ ચેનલ સાથે જોડાવા માટે અહીં ક્લિક કરો

આ લેખ અનુવાદિત છે. મૂળ લેખ વાંચવા અહીં ક્લિક કરો.

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ