ચોમાસામાં ફરવા લાયક ગુજરાતના 5 અદભૂત ધોધ

ભૌગોલિક વિવિધતા તેમજ કુદરતી લાક્ષણિકતાને કારણે ગુજરાતમાં વિવિધ જળધોધ આવેલાં છે. જેમાંના કેટલાંક તો એટલા આકર્ષક અને તેની આસપાસ એક આભા બનાવે છે કે એક નજર જોનારાને મંત્રમુગ્ધ કરી દે છે. હાલ ચોમાસાની ઋતુ ચાલી રહી છે નદીઓમાં આવેલા નવા નીરથી કેટલીય જગ્યાએ ધોધ તેમજ ચારેબાજુ કુદરતની હરિયાળીનો અનેરો નજારો જોવા માટે અનેક લોકો પરિવાર સાથે ફરવા જવાનું વિચારતા હોય છે, તો આવો આજે આપણે જોઈએ ગુજરાતનાં અલગ અલગ ક્ષેત્રમાં આવેલા 5 આકર્ષક ધોધ.

જમજીર ધોધ, ગીર સોમનાથ

ગીર જંગલમાં કોડીનાર નજીક જામવાળા પાસે આ મનમોહક જમજીર ધોધ આવેલો છે. ગીરના જંગલમાંથી નિકળતી શિંગોડા નદી પર આવેલા જમજીર ધોધનું સૌંદર્ય માણવું તે એક લ્હાવો છે. વરસાદી માહોલ શરૂ થતાની સાથે જ અહીં પર્યટકોની સંખ્યા પણ વધવા લાગે છે. ૩૦ ફૂટની ઊંચાઈથી પડતી જળરાશિનો કુદરતી નજારો નિહાળવા વિવિધ સ્થળોએથી પર્યટકો આવે છે અને નિહાળીને દંગ બની જાય છે. જમજીર ધોધને ગીરનો “નાયગ્રા ધોધ” તરીકે પણ લોકો ઓળખે છે.

ચોમાસામાં ધોધનો પ્રવાહ ખૂબ જ વધુ હોવાથી તેની નજીક જવાનું ટાળવું જોઈએ, ધોધ પાસેની પથરાળ જમીન ચોમાસા દરમિયાન લપસણી બની જાય છે અને જો તમારો પગ લપસી જાય તો ચોક્કસ પડી જવાનો ડર રહે છે અને જીવ પણ ગુમાવો પડી શકે. જમજીર ધોધ જેટલો આકર્ષક અને મનોહર છે તેટલો જ તે ખતરનાક અને જીવલેણ પણ છે આથી જમજીર ધોધને દૂરથી જ માણવામાં શાણપણ છે. કારણ કે જમજીર ધોધની સાથે સેલ્ફી લેવાના ચક્કરમાં ઘણાં લોકો જીવ ગૂમાવતાં હોય છે. આથી તેને મોતનો ધોધ પણ કહેવાય છે.

દિવ, સોમનાથ અને સાસણ જતા સહેલાણીઓ માટે જમજીર ધોધ આકર્ષણનું કેન્દ્ર છે. જમજીર ધોધની નજીકમાં આવેલા પાંચ મહાદેવ મંદિરનુ મહાત્મય પણ અનેરૂ છે. તેમજ અહીંથી ફક્ત ૩૦ કિમીના અંતરે આવેલ દ્રોણેશ્વર ડેમ અને દ્રોણેશ્વર મહાદેવ પણ ખુબ જ પ્રખ્યાત છે. જમજીર ધોધથી પાછાં ફરતાં ગીરનાં માલધારીઓ દ્વારા ખુલ્લાં તવડામાં તાજા દૂધમાંથી બનાવેલા થાબડી પેંડા ખાવાનું ન ભુલશો. આ સિવાય દેશી ગોળ બનાવવાના ચીચોડાની મુલાકાત અચૂક લેશો.

નજીકના ફરવાલાયક સ્થળો: ગીર નેશનલ પાર્ક, દીવ, સોમનાથ

ઝરવાણી ધોધમાં બારે મહિના પાણી આવતું હોવાથી, તમે આખા વર્ષ દરમિયાન અહીંની મુલાકાત લઈ શકો છો. તેમજ આ વિસ્તારમાં પિકનિક અથવા ટ્રેકિંગ પ્રવૃત્તિઓ ગોઠવવા માટે વન વિભાગની મદદ પણ લઈ શકો છો. પ્રકૃતિની ખોળે પરિવાર મિત્રો સાથે સમય પસાર કરવા માટે એક મસ્ત જગ્યા છે. યુવાનો અને એડવેન્ચર પ્રિય લોકોની આ લોકપ્રિય કેમ્પસાઇટ છે, અને ધોધથી સીધા ખડકો પર પડતા ફીણવાળા પાણીનો નજારો અને પક્ષીઓના કિલકિલાટ તમારા મન અને શરીરને નવપલ્લવિત કરવા માટે પૂરતા છે. શૂલપાણેશ્વર વન્યજીવ અભયારણ્યની અંદર સ્થિત હોવાથી અહી તમને વનસ્પતિ અને પ્રાણીસૃષ્ટિનું ગજબ વૈવિધ્ય જોવા મળશે.

જો તમે પ્રકૃતિની વચ્ચે સંપૂર્ણ શાંતિ અને પ્રાકૃતિક સામે ગળવાનું આયોજન કરી રહ્યા છો, તો આ શ્રેષ્ઠ સ્થળ છે. આ સ્થળે કેમ્પિંગ, હાઇકિંગ અને ટ્રેકિંગ જેવી પ્રવૃત્તિઓ પણ કરી શકાય છે. ભવ્ય ધોધ ઉપરાંત, અહી ઇકો-ટૂરિઝમ કેમ્પસાઇટ, જંગલમાં સાથી ટ્રેક્સ અને એડવેન્ચર પાર્ક પણ ધરાવે છે. ચોમાસામાં તે પૂરેપૂરું મહોરી ઉઠે છે. આ વખતે ત્યાંનું ઝરણું મનમોહક હોય છે.

સ્ટેચ્યુ ઓફ યુનિટીની વઘતી જતી લોકપ્રિયતાને કારણે અહીં પ્રવાસન ઉદ્યોગ વિકસ્યો છે આથી અહીં જંગલમાં પર્યાવરણ પ્રવાસન લક્ષી કેમ્પ સાઇટ, એડવેન્ચર પાર્ક તેમજ એકતા નગરમાં પાસે વિશાળ પટમાં વહેતાં નર્મદાના નીરમાં ખાતે રીવર રાફટીંગ પ્રવૃત્તિ અને દિલઘડક રોમાંચ આપતી બેમિસાલ જળક્રીડા પ્રવૃતિઓ ચાલુ કરવામાં આવી છે.

શહેરના રોજિંદા થકવી દેનારા સ્ટ્રેસને અહીં આવીને સાવ ભૂલી જવાય છે. આ પ્રકૃતિના ખોળે શારીરિક-માનસિક યાતનાને ભૂલી જઇને અદમ્ય ઉત્સાહ ભરી લેવાની મસ્ત લહાવો અહી મળે છે. જો તમે ફોટોગ્રાફીના શોખીન છો, તો તમને ચોક્કસપણે આ સ્થળ ગમશે જ.

નજીકના ફરવાલાયક સ્થળો: સ્ટેચ્યુ ઓફ યુનિટી, શૂલપાણેશ્વર અભયારણ્ય, શૂલપાણેશ્વર મંદિર

આ ધોધથી 5 કિમીના અંતરે માળનાથ મહાદેવ મંદિર આવેલ છે, ચોમાસા દરમિયાન આ સ્થળ જોવાનો આનંદ અનેરો હોય છે કારણ કે આ સમયમાં આજુબાજુના ડુંગરો કુદરતી લીલોતરીથી ઢંકાયેલા હોય છે અને વચ્ચે નાનાં-નાનાં ઝરણાઓને જોઈને મનને આહલાદક વાતાવરણની અનુભૂતિ થાય છે.

ધોધની આસપાસનો વિસ્તાર લપસણો હોવાથી વિશેષ સાવચેતી રાખવી.

નજીકના ફરવાલાયક સ્થળો: રાજપરા ખોડિયાર માતા મંદિર, નિષ્કલંક મહાદેવ અને અલંગ શિપિંગ યાર્ડ

ચોમાસામાં વરસાદ થતાં પાવાગઢ પર્વતે લીલી ચાદર ઓઢી લીધી હોય તેમ સોળે કળાએ ખીલી ઉઠે છે. ગઢ ધુમ્મસ ભર્યા વાદળોથી ઘેરાયેલો પાવાગઢ અને તેની આસપાસના પર્વતો પર ધોધ અને ઝરણાઓ પડતાં હોય તે દ્રશ્ય નયનરમ્ય લાગે છે. ચોમાસામાં પ્રવાસીઓ આ ધોધને નિહાળવા માટે ઉમટી પડે છે.

નજીકના ફરવાલાયક સ્થળો: પાવાગઢ, ચાંપાનેર આર્કિયોલોજીકલ પાર્ક, જાંબુઘોડા

ઝાંઝરી ધોધ બારમાસી ધોધ નથી પણ ચોમાસા દરમિયાન નદીના ખડકાળ કિનારેથી વહેતું પાણી છે. જોકે ઉનાળા દરમિયાન ધોધના પ્રવાહમાં ઘટાડો થાય છે પણ ચોમાસાની શરૂઆત થતાં જ જાણે અહીંના પ્રાકૃતિક સ્થળોનું સૌંદર્ય સોળે કળાએ ખીલી ઉઠે છે. ત્યારે ઝાંઝરી ગામની વાત્રક નદી પરના પ્રકૃતિના ખોળે વહેતા આ ધોધનો નજારો માણવા લાયક છે.

અમદાવાદ અને ગાંધીનગરની નજીકમાં આવેલ ઝાંઝરી એકમાત્ર ધોધ છે. આ ધોધ સુધી જવા માટે ખાસ ઝાંઝરી બસ સ્ટોપથી નદીના પટમાં ૩ કિમી ચાલવું પડે છે, પ્રવાસીઓ માટે કોઈ સગવડ નથી. નદી વિસ્તાર હોવાથી પ્રવાસી માટે કોઈ શૌચાલય કે પીવાના પાણી જેવી પ્રાથમિક સુવિધા નથી. ઝાંઝરી ધોધમાં ન્હાવાની મનાઈ છે.

નજીકના ફરવાલાયક સ્થળો: ઉત્કંઠેશ્વર મહાદેવ, ડાકોર