Country of Castle જર્મની: પ્રસિદ્ધ કિલ્લાઓની મુલાકાત

સામાન્ય રીતે યુરો ટ્રાવેલ માટે જે ટૂર્સનું આયોજન થાય છે તેમાં જર્મનીના કોઈ સ્થળનો ભાગ્યે જ સમાવેશ થાય છે. કદાચ હોય તો પણ રાત્રિ રોકાણ માટે હોય શકે. પણ જર્મનીમાં જ રહેવાને લીધે અમને ઘણી જગ્યાઓ ફરવાનો મોકો મળ્યો છે.

બહુ ઓછા લોકો જાણતા હશે કે જર્મની એ ‘Country of Castle’ કહેવાય છે. અહીં આશરે 25000 જેટલા કેસલ્સ આવેલા છે. જે વિશ્વમાં સૌથી વધુ સંખ્યામાં છે.

Neuschwanstein Castle: તમે આ જગ્યાનું નામ કદાચ ન સાંભળ્યું હોય તેવું બની શકે પણ તેની તસવીર તમે ચોક્કસપણે જોઈ હશે! કારણકે આ એક સુપ્રસિદ્ધ ફેરિટેલ કાસલ છે. આ સુંદર કાસલ અને તેની આસપાસ આલ્પ્સની પર્વતમાળા ખૂબ મનમોહક દ્રશ્યો સર્જે છે. અમે કોઈ બીજી જગ્યાએ ફરવા જઈ રહ્યા હતા ત્યારે રસ્તામાં આ કાસલની મુલાકાત લીધી હતી. પણ યુરોપનું વાતાવરણ તો તદ્દન અણધાર્યું જ રહે છે. અમે આ કાસલ પર પહોંચ્યાની સાથે ખૂબ જ વાદળાં અને વરસાદ શરુ થઈ ગયો. અમે ઉપર તો ન જઈ શક્યા પણ નીચે એક સુંદર સરોવર પાસે શાંતિથી સમય પસાર કર્યો અને થોડા ફોટોઝ લીધા. સારા વાતાવરણમાં Neuschwanstein Castle જોવાનો હજુ પણ બાકી જ છે.

Eltz Castle: આ પણ મધ્યકાલીન યુગમાં બનેલો છે. આ કાસલ અનેક હિલ્સ વચ્ચે આવેલી મોસેલ વેલીમાં આવેલો છે. જર્મનીના fairytale castleમાં આનો પણ સમાવેશ થાય છે. અમે પહેલી વાર ગયા ગયા ત્યારે બહુ જ ભીડ હતી અને કાસલમાં જવા માટે બહુ જ લાંબી લાઇન હતી. તેથી અમે ત્યાંની મુલાકાત વિના જ નીકળી ગયા. બીજી વખત શિયાળામાં ગયા હતા જ્યારે એ કાસલ બંધ રહે છે પણ વાતાવરણ ઘણું સારું હોય છે એટલે ફોટોગ્રાફ્સ બહુ જ સારા આવે છે. સામાન્ય દિવસોમાં ખીણમાં જવા માટે શટલની સુવિધા છે, પણ જો એ બંધ હોય તો ચાલતા પણ જઈ શકાય છે.

Cochem Castle: મોસેલમાં આવેલો અન્ય એક કાસલ અને મારી ખૂબ પ્રિય જગ્યા. પણ આ હિલ પર છે. આજુબાજુ વાઇનયાર્ડ છે અને નીચેથી મોસેલ નદી પસાર થાય છે જે ખૂબ સુંદર દ્રશ્યો સર્જે છે. આ નદીમાં લંચ અને ડિનર સાથેની બોટ રાઈડ પણ થાય છે. બહુ જ રોમેન્ટિક માહોલ ધરાવતી આ જગ્યા કપલ્સ માટે આદર્શ છે. એ કાસલમાં પણ કાફે અને રેસ્ટોરાં છે. ત્યાં ઉપર સુધી જવા માટે બસની સુવિધા છે અને કારથી પણ જઈ શકાય છે. નીચે સંપૂર્ણ યુરોપિયન ઢબે બનેલી બધી સ્ટ્રીટસ ખૂબ જ આકર્ષક અને રોમેન્ટિક છે. પથ્થરના બનેલા મકાનો જાણે કોઈ પ્રાચીન સમયમાં પહોંચી ગયા હોઈએ તેવી અનુભૂતિ કરાવે છે.

Heidelberg Castle & bridge: ખંડેર અવસ્થામાં રહેલો Heidelberg Castle એ Heidelbergની ઓળખ છે. આ કાસલના અવશેષો એ ઉત્તર આલ્પ્સમાં રહેલા Renaissance સમયગાળાના સૌથી મહત્વના અવશેષ છે. 13મી સદીના પૂર્વાર્ધમાં આ કાસલના બાંધકામની શરૂઆત થઈ હતી અને સદીના અંતમાં તેનું બાંધકામ પૂર્ણ થયું હતું. Heidelberg Bridgeનું નિર્માણ 1788માં કરવામાં આવ્યું હતું. Heidelberg અહીંની 14મી સદીમાં બનેલી યુનિવર્સિટી માટે પણ જાણીતું છે.

આ એક ઘણો જ પ્રખ્યાત કાસલ છે. અમે આ સ્થળની વન-ડે ટ્રીપ કરી હતી. Heidelberg Castle હિલ પર આવેલો છે જ્યાં ટોય ટ્રેનથી જઈ શકાય છે. કાસલ પરથી નીચેનો વ્યૂ ખૂબ જ મનોરમ્ય જોવા મળે છે. નીચે એક કેનાલ છે જ્યાં બેસીને સનસેટ જોવો એ એક લ્હાવો છે. અમે અહીં આવેલી એક ભારતીય રેસ્ટોરાંમાં ભોજન માણ્યું હતું.

માહિતી, વર્ણન, અને ફોટોઝ: રાધિકા વસાવડા

.

તમારી જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો

ટ્રાવેલ અપડેટ માટે Tripoto ગુજરાતીની ટેલિગ્રામ ચેનલ સાથે જોડાવા માટે અહીં ક્લિક કરો

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ