હનીમૂનની રાતને સ્પેશ્યલ બનાવવા માંગો છો તો હોટલ નહીં ટ્રી હાઉસમાં રહેવાનો બનાવો પ્લાન

આજના વ્યસ્ત જીવનમાં લોકો પોતાની વાસ્તવિક શાંતિ ગુમાવી રહ્યા છે. આવી સ્થિતિમાં, જો તમે ખરેખર મનની શાંતિ મેળવવા માંગતા હોવ તો તમારે પ્રકૃતિની નજીક થોડો સમય પસાર કરવો જોઈએ. આમ તો તમને સમગ્ર ભારતમાં ઘણા સુંદર સ્થળો જોવા મળશે. પરંતુ જો તમે આ વખતે અલગ અનુભવ લેવા માંગતા હોવ તો ટ્રી હાઉસમાં રહેવાનો પ્લાન કરો. આપણે બધાએ નાનપણમાં ટીવી પર કે વાર્તાઓમાં ટ્રી હાઉસ વિશે જોયું, સાંભળ્યું કે વાંચ્યું હશે અને આપણા મનમાં ક્યાંક ને ક્યાંક આ ટ્રી હાઉસમાં રહેવાની ઈચ્છા થતી હોય છે. જો કે, મોટા થયા પછી, તમે આ ઇચ્છાને ખૂબ જ સરળતાથી પૂર્ણ કરી શકો છો. વાસ્તવમાં, ભારતના વિવિધ રાજ્યોમાં કેટલાક અદ્ભુત ટ્રી હાઉસ છે, જે તમને પ્રકૃતિનો અલગ જ નજારો આપે છે. લાકડામાંથી બનેલા આ ઘરોની આસપાસ ફેલાયેલી કુદરતી હરિયાળી આ ટ્રી હાઉસમાં રહેવાનો અનુભવ વધુ અદ્ભુત બનાવે છે.

ટ્રી હાઉસની વાત કરતા હોઇએ તો હનીમૂનને કેમ ભૂલાય. જો તમે તમારું હનીમૂન ઉજવવા માટે કોઈ ખાસ જગ્યા શોધી રહ્યા છો, તો આ લેખ તમારા માટે ઉપયોગી છે. કારણ કે આજના આર્ટિકલમાં અમે તમને ભારતમાં બનેલા ટ્રી હાઉસ વિશે જાણકારી આપવાના છીએ. જો તમે તમારી પત્ની સાથે હનીમૂન માટે અહીં જવાનું વિચારી રહ્યા છો, તો વિશ્વાસ કરો કે આ સમય તમારા માટે જીવનભર યાદગાર બની જશે.

ભારતના વિવિધ ભાગોમાં અમુક મર્યાદિત સંખ્યામાં ટ્રી હાઉસ છે. તમારે તમારા હનીમૂન પ્લાન્સમાં ટ્રી હાઉસનો સમાવેશ કરવો જ જોઈએ. કારણ કે કલ્પના કરો કે જ્યારે તમે સવારે ઉઠો છો અને તમારી આસપાસ કુદરતનો અદ્ભુત નજારો હોય ત્યારે શું થાય છે. લાકડાના ઘરોની આસપાસની કુદરતી હરિયાળી તમારા હનીમૂનને આજીવન યાદગાર બનાવી દેશે.

વાન્યા ટ્રી હાઉસ- થેક્કડી

મુન્નારમાં એક વૃક્ષની ટોચ પર વાન્યા ટ્રી હાઉસ બનાવવામાં આવ્યું છે, જ્યાંથી તમે પશ્ચિમ ઘાટના લીલાછમ જંગલોનો અદ્ભુત નજારો જોઈ શકો છો. આ સ્થળ 10 એકરમાં ફેલાયેલા વૃક્ષો અને બગીચાઓની વચ્ચે છે અને તે પેરિયાર વાઇલ્ડલાઇફ પાર્કની ખૂબ નજીક છે. અહીં એક રાત્રિ રોકાણની કિંમત 8000 રૂપિયાથી શરૂ થાય છે. ટ્રી હાઉસમાં રહેવાની સાથે તમે થેક્કડી તળાવમાં બોટિંગ કરી શકો છો. આ જગ્યા સંરક્ષિત જંગલ વિસ્તારમાં છે, તેનું પોતાનું ખાસ આકર્ષણ પણ છે. તે તમને વિવિધ પ્રકારના જંગલી જીવન જોવાની તક પૂરી પાડે છે.

અહીં તમને બોટ રાઇડ દરમિયાન તમને મલબાર ગ્રે હોર્નબિલ અને નીલગિરી વુડ કબૂતર જેવા કેટલાક દુર્લભ પક્ષીઓ જોવાની તક મળે છે. આ સુંદર તળાવ પેરિયાર રાષ્ટ્રીય ઉદ્યાનની બાજુમાં આવેલું છે અને એક પ્રખ્યાત પર્યટન સ્થળ છે, અને તે તમારા મન, શરીર અને આત્માને આરામ આપવા માટે પૂરતું શાંત છે. જો તમે નસીબદાર છો, તો તમને તળાવના કિનારે સ્નાન કરતા હાથીઓના ટોળાને જોવાની તક પણ મળી શકે છે.

નેચર ઝોન જંગલ રિસોર્ટ

કેરળના મુન્નાર સ્થિત નેચર ઝોન રિસોર્ટમાં હનીમૂનનું આયોજન કરવું શ્રેષ્ઠ વિકલ્પ છે. અહીંથી તમે મુન્નારથી દેવન ટેકરીઓ અને નીચે ઊડતા વાદળોનો સુંદર નજારો સ્પષ્ટપણે જોઈ શકશો.

ખાસ વાત એ છે કે પર્વતીય વિસ્તાર હોવા છતાં, તમે રિસોર્ટમાં સારી મોબાઇલ નેટવર્ક કનેક્ટિવિટી અને Wi-Fi નો આનંદ માણી શકશો. અહીં બે લોકો માટે એક રાત્રિ રોકાણની કિંમત 8000 રૂપિયા છે.

ટ્રેંક્વિલ રિસોર્ટ, વાયનાડ, કેરળ

આ ટ્રી હાઉસ રિસોર્ટ કોફી એસ્ટેટ અને વેનીલા એસ્ટેટ વચ્ચે આવેલું છે. જો તમને પ્રકૃતિ અને વૃક્ષોથી બનેલા ઘર ગમે છે તો આ જગ્યા તમારા માટે પરફેક્ટ છે. આ રિસોર્ટ તેની આસપાસની શાંત સુંદરતા માટે જાણીતું છે. તમે તમારા પાર્ટનર સાથે સવારે અહીં ટ્રેકિંગની મજા માણી શકો છો. કપલ્સ માટે શાંતિથી રજાઓ ગાળવા માટે આ જગ્યા સૌથી ખાસ માનવામાં આવે છે. અહીં બે લોકો માટે એક રાત રોકાવાની કિંમત 7000 થી 8000 રૂપિયાની વચ્ચે છે. આમાં તમને માત્ર નાસ્તો જ મળશે. જો તમે લંચ લેવા માંગતા હોવ તો તમારે તેના માટે અલગથી પૈસા ચૂકવવા પડશે.

આ રિસોર્ટ તેની આસપાસના ઉત્કૃષ્ટ વાતાવરણની સાથે પ્લાન્ટેશન માટે પણ જાણીતું છે. તમે અહીં મોર્નિંગ ટ્રેકિંગનો આનંદ માણી શકો છો, જોવાલાયક સ્થળોની યાત્રા કરી શકો છો અથવા પ્રકૃતિનો આનંદ માણી શકો છો. રોમેન્ટિક કપલ્સ અને પ્રકૃતિ, ટ્રી હાઉસ અને શાંતિથી વેકેશન ઇચ્છતા દરેક માટે આ એક ઉત્તમ સ્થળ છે. આ રિસોર્ટ એક લક્ઝરી રિસોર્ટ છે અને તેથી જો તમે અહીં રહેવાનું પ્લાનિંગ કરી રહ્યા હોવ તો પ્રી-બુકિંગ કરવું વધુ સારું રહેશે.

ધ વ્યાથિરી રિસોર્ટ - વાયનાડ

લીલાછમ પહાડો સાથે કેરળના વાયનાડ જિલ્લામાં સ્થિત વાયથરી રિસોર્ટમાં પાંચ ટ્રી હાઉસ છે, જે જંગલની મધ્યમાં બાંધવામાં આવ્યા છે. આ ટ્રી હાઉસની વિશેષતા એ છે કે તેઓ સ્થાનિક રીતે ઉપલબ્ધ સામગ્રીનો ઉપયોગ કરીને સ્થાનિક આદિવાસી લોકો દ્વારા ડિઝાઇન કરવામાં આવ્યા છે. રિસોર્ટમાં આયુર્વેદિક સ્પા, સ્વિમિંગ પૂલ, ગેમ્સ રૂમ અને હેલ્થ ક્લબ છે. જેના કારણે તમને આ ટ્રી હાઉસમાં પ્રકૃતિને નિહાળવાની સાથે અન્ય ઘણી પ્રવૃત્તિઓનો આનંદ માણવાનો મોકો મળશે.

વાઇલ્ડ કેનોપી નેચર રિઝર્વ - મુદુમલાઈ

ભારતના અદ્ભુત ટ્રીહાઉસમાં મુદુમલાઈમાં વાઈલ્ડ કેનોપી નેચર રિઝર્વના ટ્રી હાઉસનો પણ સમાવેશ થાય છે. તે નીલગીરીના કુંજાપનાઇમાં આવેલું છે. ભારતમાં રહેવા માટે આ સૌથી અસાધારણ જગ્યાઓમાંથી એક છે અને તમને અહીં લક્ઝરી ખરેખર કોને કહેવાય તે જાણવા મળશે. રોમાંસ, પ્રકૃતિ પ્રેમીઓ અને શાંતિ શોધનારાઓ માટે આ એક ઉત્તમ સ્થળ છે.

ધ હિમાલયન વિલેજ રિસોર્ટ, કસોલ

હિમાચલ પ્રદેશની પાર્વતી ખીણમાં કસોલ નજીક કૈલાશ નગરમાં સ્થિત હિમાલયન ગામ દેવદારના વૃક્ષોની વચ્ચે આવેલું છે. તે એક લોફ્ટ ટ્રી હાઉસ છે અને તેમાં જે લાકડાનું બાંધકામ છે તેને ભાંડાર કહેવામાં આવે છે. તે જમીનથી 50-60 ફૂટ ઊંચું હોય છે અને તે જેટલું સુંદર છે, તેટલી જ શાંતિ આપે છે. એટલું જ નહીં, અહીં તમને જે આતિથ્ય મળશે તે અનુભવને સુંદર અને અદ્ભુત બનાવી દેશે.

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ

તમારા જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો