એકવાર ફરીઆવો કાનાતલ, ભૂલી જશો નૈનીતાલ..શું તમે જોઇ છે આ જગ્યા

જો એકવાર તમે કાનાતલ હિલ સ્ટેશન જોઇ લેશો તો તમે નૈનીતાલને પણ ભૂલી જશો! આ વાત એટલા માટે કહેવામાં આવી રહી છે કારણ કે આ નાનકડું હિલ સ્ટેશન અદ્ભુત કુદરતી સૌંદર્યથી ભરેલું છે. અહીંની મનમોહક ખીણો અને વાતાવરણ પ્રવાસીઓને મંત્રમુગ્ધ કરી દે છે. ઉનાળો હોય કે શિયાળો, કાનાતલ હિલ સ્ટેશન તમારું દિલ જીતી લેશે. તમારે ફક્ત એક વાર અહીં જવાની અને થોડા દિવસો પસાર કરવાની જરૂર છે. હવે ધીમે ધીમે કાનાતલ ખાતે મોટી સંખ્યામાં પ્રવાસીઓ આવવા લાગ્યા છે.

ખરેખર, કાનાતલ એક નાનકડું ગામ છે. આ શાંત હિલ સ્ટેશન દેહરાદૂનથી 78 કિમી, મસૂરીથી 38 કિમી અને ચંબાથી 12 કિમી દૂર છે. આ સ્થળ ચંબા-મસૂરી રોડ પર છે અને દિલ્હીથી લગભગ 300 કિમી દૂર છે. આ હિલ સ્ટેશન ચારે બાજુથી હરિયાળી અને જંગલોથી ઘેરાયેલું છે. અહીંની પ્રાકૃતિક સુંદરતા તમને મંત્રમુગ્ધ કરી દેશે. આ સુંદર હિલ સ્ટેશન ઉત્તરાખંડના તેહરી ગઢવાલ જિલ્લામાં આવેલું છે. કાનાતલ હિલ સ્ટેશન સમુદ્રની સપાટીથી 2,590 મીટરની ઉંચાઈ પર આવેલું છે.

અહીં તમે સાહસિક પ્રવૃત્તિઓ કરી શકો છો અને કેમ્પિંગનો આનંદ માણી શકો છો. વેલી ક્રોસિંગ એ કાનાતલની સૌથી રોમાંચક પ્રવૃત્તિઓમાંની એક છે જ્યાં તમારે દોરડાથી બાંધીને ખીણ પાર કરવી પડે છે. તમે ટ્રેઇનર(નિરીક્ષક)ની મદદથી આ કરશો તો તમને જોખમ રહેશે નહીં અને તમે સંપૂર્ણ આનંદ માણી શકશો.

શિયાળામાં તમે આ હિલ સ્ટેશન પર બરફવર્ષા જોઈ શકો છો. આ હિલ સ્ટેશનમાં પ્રવાસીઓ પર્વતો, ખીણો, ધોધ, નદીઓ અને જંગલો જોઈ શકે છે. તમે અહીં ફોટોગ્રાફીની મજા પણ માણી શકો છો. અહીં તમને જંગલમાં ફરવા માટે જીપ સફારી પણ મળશે. આ હિલ સ્ટેશનમાં, તમે મિત્રો સાથે કેમ્પિંગ કરી શકો છો અને બોનફાયરનો આનંદ લઈ શકો છો. તમે કેમ્પિંગ દરમિયાન અહીં સ્ટારગેઝિંગ નાઈટનો આનંદ પણ લઈ શકો છો, જેથી તમારી મુસાફરી વધુ મનોરંજક અને વિશેષ બની શકે. જો તમે હજુ સુધી આ હિલ સ્ટેશન જોયું નથી, તો તમે અત્યારે જ પ્લાન બનાવી લો.

કાનાતલમાં જોવાલાયક સ્થળો

મસૂરી

મસૂરી કાનાતલથી લગભગ 32 કિમી દૂર આવેલું એક શહેર છે, જે ખૂબ જ સુંદર જગ્યા છે. મસૂરીમાં લાલ ટિબ્બા, કેમ્પ્ટી ધોધ, ભટ્ટા ધોધ, મોલ રોડ અને ગન હિલ્સ જેવા ઘણા આકર્ષક સ્થળો છે જેની તમારે મુલાકાત લેવી જ જોઈએ.

ચંબા

ચંબા કાનાતલથી લગભગ 17 કિમીના અંતરે આવેલું એક ખૂબ જ આકર્ષક અને લોકપ્રિય પર્યટન સ્થળ છે. ચંબા એ સમુદ્ર સપાટીથી લગભગ 1676 મીટરની ઉંચાઈ પર સ્થિત એક પહાડી વિસ્તાર છે, જે હિમાલયના સુંદર નજારા માટે પ્રખ્યાત છે. ચંબામાં ચારે બાજુ પાઈન અને દેવદારના વૃક્ષો જોવા મળે છે, જે પ્રવાસીઓને બીજે ક્યાંય જોવા મળતા નથી. ચંબામાં પવિત્ર ભાગીરથી નદીનો નજારો પણ ખૂબ જ અદભૂત છે.

નવી તેહરી

નવી તેહરી ઉત્તરાખંડના સૌથી લોકપ્રિય પર્યટન સ્થળોમાંનું એક છે. આ શહેર એશિયાના સૌથી મોટા અને સૌથી ઊંચા તેહરી ડેમ માટે પ્રખ્યાત છે, જેની મુલાકાત દર વર્ષે હજારો પ્રવાસીઓ આવે છે. આ સાથે, નવી તેહરીમાં દેવી સતીને સમર્પિત ચંદ્રાબની મંદિર, નાગ દેવતાને સમર્પિત સેમ મુખ મંદિર અને બુદ્ધ કેદાર, જ્યાં દુર્યોધને તર્પણ આપ્યું હતું તે ખૂબ જ પ્રખ્યાત મંદિરો છે. નવી તેહરીમાં પ્રવાસીઓ માટે ઘણું બધું છે. અહીંનું સાહસિક વાતાવરણ અને લેક સ્વાભાવિક રીતે જ પ્રવાસીઓને આકર્ષે છે.

કોડિયા જંગલ

કોડિયા જંગલ કાનાતલ ચંબા રોડથી લગભગ 6 કિલોમીટર દૂર આવેલું એક અદ્ભુત સ્થળ છે. ફોટોગ્રાફીમાં રસ ધરાવતા પ્રકૃતિ પ્રેમીઓ માટે તે એક અદ્ભુત સ્થળ છે. આ સ્થળ પર ટ્રેકિંગ પ્રવાસીઓને ખૂબ જ પસંદ આવે છે. આ ઉપરાંત અહીં કસ્તુરી હરણ, કાકર, જંગલી ભૂંડ, ઘોરલ જેવા પ્રાણીઓની અનેક પ્રજાતિઓ જોવા મળે છે.

સુરકંડા દેવી મંદિર

સુરકંડા દેવી મંદિર કાનાતલમાં ધનોલ્ટીની નજીક સ્થિત માતા સતીને સમર્પિત એક ખૂબ જ પ્રાચીન મંદિર છે. આ સ્થાન પર પૌરાણિક કથાઓ અનુસાર માતા સતીનું સળગેલું ધડ પડ્યું હતું. અહીં આખા વર્ષ દરમિયાન પ્રવાસીઓની ભીડમાં રહે છે કારણ કે મંદિરથી હિમાલયના અદભૂત દૃશ્યો જોવા મળે છે અને પ્રવાસીઓ માટે ટ્રેકિંગ વિકલ્પો પણ પ્રદાન કરે છે.

હોમસ્ટે

જો તમે રજાઓ ગાળવા કાનાતલ આવો છો, તો અહીંના સુંદર ઘરોમાં રહેવું ખૂબ જ સારુ રહેશે. આ ઘરો માટીના બનેલા છે. અહીં આવ્યા પછી દરેક શહેરી વ્યક્તિ ગ્રામીણ લોકોની જીવનશૈલીથી સારી રીતે પરિચિત થઈ શકે છે. ગામના લોકોની વચ્ચે રહેવું અને તેમની ખાણીપીણીને અપનાવવી અને પ્રકૃતિની વચ્ચે ફરવાનો સંપૂર્ણ આનંદ માણવો એ અદ્ભુત વસ્તુ છે.

કાનાતલની મુલાકાત લેવાનો શ્રેષ્ઠ સમય

જો તમે જાણવા માગો છો કે કાનાતલની મુલાકાત લેવાનો શ્રેષ્ઠ સમય કયો છે, તો અમે તમને જણાવી દઈએ કે ડિસેમ્બરથી ફેબ્રુઆરી અને એપ્રિલથી જૂનની વચ્ચે કાનાતલનું હવામાન ઘણું સારું રહે છે. કાનાતલની મુલાકાત લેવા માટે તમે આમાંથી કોઈપણ મહિનો પસંદ કરી શકો છો.

કાનાતલમાં ક્યાં રહેવું

કાનાતલમાં લો-બજેટથી લઈને હાઈ-બજેટમાં હોટલ અને રિસોર્ટ ઉપલબ્ધ છે. તમે તમારી અનુકૂળતા મુજબ કોઈપણને પસંદ કરી શકો છો.

ધ ટેરાસેસ સ્પા રિસોર્ટ્સ

ક્લબ મહિન્દ્રા કાનાતલ રિસોર્ટ

કાનાતલ હર્મિટેજ રિસોર્ટ

ધ કાનાતલ ઓર્કિડ

એપલ કન્ટ્રી વિલેજ રિસોર્ટ

કાનાતલ કેવી રીતે પહોંચવું

ફ્લાઇટ દ્વારા

જો તમે કાનાતલ જવા માટે હવાઈ માર્ગ પસંદ કર્યો છે, તો તમને જણાવી દઈએ કે દેહરાદૂનનું જોલી ગ્રાન્ટ એરપોર્ટ કાનાતલની સૌથી નજીક આવેલું છે. ભારતના વિવિધ શહેરોમાંથી અહીં આવવા ફ્લાઈટ્સ ઉપલબ્ધ છે. તમે આ એરપોર્ટથી કોઈપણ સ્થાનિક સાધનના માધ્યમથી સરળતાથી કાનાતલ પહોંચી શકો છો.

ટ્રેન દ્વારા

જો તમે કાનાતલ જવા માટે ટ્રેનનો રસ્તો પસંદ કર્યો છે, તો તમને જણાવી દઈએ કે ઋષિકેશ અને દેહરાદૂન રેલવે સ્ટેશન કાનાતલથી સૌથી નજીક છે. અહીંથી તમે બસ અથવા ટેક્સી દ્વારા સરળતાથી કાનાતલ પહોંચી શકો છો.

રોડ દ્વારા

કાનાતલ ઉત્તરાખંડ અને તેના પડોશી રાજ્યો સાથે રોડ માર્ગે સારી રીતે જોડાયેલ છે. તમે બસ અથવા ટેક્સી દ્વારા પણ સરળતાથી કાનાતલ પહોંચી શકો છો.

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ

તમારા જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો