ગુજરાતના સુંદર દરિયાકિનારાની 1800 કિલોમિટર લાંબી અદ્ભુત સફર

મારી આ યાત્રા બેંગલુરુથી અમદાવા જતી 2 કલાકની ફ્લાઇ દ્વારા થઇ હતી. બપોર સુધીમાં અમે રાજ્યના સૌથી મોટાશહેર એવા અમદાવાદમાં ઉતર્યા હતા. ભવ્ય ગુજરાતી ભોજન કર્યા પછી અમે ગાંધી આશ્રમ તરફ પ્રયાણ કર્યું. આશ્રમમાં ગાંધીજીના જીવનની કેટલીક આબેહૂબ અને ઐતિહાસિક ઘટનાઓને દર્શાવતી સાધન-સામગ્રી સાચવી રાખવામાં આવી છે. સાબરમતી નદીની બાજુમાં આ આશ્રમમાં એક મનોહર ઉદ્યાન છે એકદમ શાંત પ્રકૃતિ ધરાવે છે. રાત્રિના સમયે નદી પર બનાવવામાં આવેલ રિવરફ્રન્ટ્રની સુંદરતા પણ અદભૂત છે.

સવારે 5.30 વાગે ઉઠીને જ્યારે તમે કચ્છના રણમાં થતો સૂર્યોદય જોવો છો ને એટલે સવારમાં વહેલા કેમ ઉઠવું જોઇએ એ સવાલનો જવાબ મળી જાય છે. માત્ર ત્યાં હાજર રહેવાથી જ અને કઇંજ કર્યા વગર માત્ર આ સવારની સુંદરતાને માણો એટલે તમને વાસ્તવિકતાનું ભાન થાય છે. એજ સમયે સ્થાનિક લગ્નમાં હાજરી આપવાનું અમને શૌભાગ્ય મળ્યું, ગામના લોકોમાંના ઘરે જમવાનું અને તેમની મહેમાનગતિ માણવા મળી. કચ્છનું ભોજન ગુજરાતના અન્ય વિસ્તારથી અલગ પડે છે પણ તેનો એક અલગ જ સ્વાદ છે. કચ્છમાં મુસાફરી કરવા માટે તમે રૂ .2500 માં એક દિવસના ભાડાપટ્ટે ટેક્સી રાખી શકો છો. મીઠાના સરવોરને જોયા પછી અમે સવારમાં ભૂજ પહોંચ્યા કારણ કે ત્યાં રહેવા માટે સસ્તિ અને સારી સગવડ છે. તમને લગભગ રૂ. 500 એક સારો એવો રૂમ મળી શકે છે.

ભૂજ અને માંડવીની આસપાસના વિસ્તારમાં ફરવા માટે રૂ.1500માં રીક્ષા અથવા ટેક્સી ભાડે રાખી શકાય છે. 2001 માં આવેલા વિનાશક ભૂકંપથી ભૂજ લગભગ એકદમ વિરાન જમની બની ગયું હતું. પરંતુ તે આજે ફરી પોતાની સુંદરતા સાથે બેઠું થઇ ગયું છે. પ્રાગ મહેલ, આઈના મહેલ, રોયલ કબરો અને હમીરસર તળાવ એવા કેટલાક સ્થાનો છે જે તમે ભૂજમાં જોઈ શકો છો. થોડા સમય માટે ઘરનું ભોજન લેવાની વૃત્તિને બાજુમાં મુકી અહીંની સ્થાનિક ખાણીપીણીની વસ્તુઓનો સ્વાદ માણવો જ જોઇએ.

માંડવી ભુજથી આશરે 60 કિ.મી.ના અંતરે છે. માંડવી દરિયાકિનારા અને સદીઓથી જૂની શિપ બિલ્ડિંગ યાર્ડ માટે પ્રખ્યાત છે. અહીં બીચ પર ચાલો, પક્ષીઓ અને પવનચક્કીનો આનંદ માણો. આ સીવાય ઘોડા અને ઊંટ પર બેસીને દરિયાકિનારાનો આનંદ લઇ શકો છો.

પોરબંદરથી સોમનાથ 130 કિલોમીટરની અંતરે છે, જે 2 કલાકની મુસાફરી છે. સ્થાનિક બસ અથવા ટેક્સી આરામથી અહીં પહોંચી શકાય છે. મહાશિવરાત્રી નિમિત્તે ભગવાન શિવનું આ મંદિર ભક્તોથી છલકાઇ ઉઠે છે. મંદિર સમુદ્રના કિનારે આવેલું છે. અમે રાત્રીના સમયે સોમનાથથી અમદવાદ વચ્ચેનું 410 કિ.મીનું અંતર કાપવાનું નક્કી કર્યું હતું. તમે સોમનાથી સીધી અમદાવાદ માટેની ટ્રેન અથવા બસ લઇ શકો છો.

અમદાવાદમાં રહેવા માટે એક હોટલની તપાસ કરતા વિચાર આવ્યો કે સીટીમાં ફરી લઇએ, તો તેના માટે અમે રૂ.2500માં એક ટેક્સી ભાડે કરી લીધી. અમે "અડાલજની વાવ", "મોઢેરા સૂર્ય મંદિર" અને "રાણી કી વાવ" ફરવા ગયા. અમદાવાદથી અડાલજ 20 કિલોમીટર દૂર આવેલું છે. જેનું સ્થાપત્ય એકદમ ભવ્ય છે. અહીં બનાવવામાં આવેલી વાવ વરસાદના પાણીને સંગ્રહ કરવાના હેતું માટે બનાવવામાં આવી હતી. આગળનો સ્ટોપ મોઢેરા સૂર્ય મંદિર હતું કે જે 80 કિ.મી.ના અંતરે આવેલું છે. આ મંદિરની રચના એવી રીતે કરવામાં આવી છે કે સૂર્યના પ્રથમ કિરણો ભગવાન સૂર્યની મૂર્તિ પર સીધા પડે છે. પ્રવાસના અંતિમ સ્ટોપ પર આગળ વધીને રાણ કી વાવ પહોંચ્યા હતા. જે 35 કિલોમીટર દૂર છે. 2016માં આ વાવને ભારતમાં “ક્લિનેસ્ટ આઇકોનિક પ્લેસ” નો ખિતાબ મેળવ્યો હતો.

અમારી 7 દિવસની યાત્રાને અંતે અમે મોડી સાંજે અમદાવાદ પહોંચ્યા. છેલ્લું ગુજરાતી ભોજન લીધું અને બજા દિવસે સવારે ગુજરાતને ટાટા-બાયબાય કર્યું.

કિંમત

બેંગ્લોરથી ફ્લાઇટ (રાઉન્ડ-ટ્રીપ):રૂ. 5,500

અમદાવાદથી ભુજ - દ્વારકા - સોમનાથ - અમદાવાદ: રૂ.500 (દરેકના)

કચ્છના રણમાં રહેવા માટે રૂ. 4,000

કચ્છમાં પરિવહન: રૂ. 2500

ભુજથી કચ્છ સુધી( આવ-જવાનું): રૂ. 1400

દરેક જગ્યાએ રહેવાનું: રૂ. 600

અમદાવાદથી અડાલજ, સૂર્ય મંદિર અને રાણી કી વાવ સુધીની દિવસની સફર: રૂ. 2500

ફૂડ: રૂ. 3000

આ સફરથી મને કેટલીક કાયમી યાદો અને આપણા ઇતિહાસનો નવો દૃષ્ટિકોણ મળ્યો છે. મારી મુસાફરી ગુજરાતની એક ઝલક હતી. આ સીવાય પણ ગુજરાતમાં ઘણી ફરવાની જગ્યા છે. તમે પણ આગળ વધો અનો ફરો.

તમારી જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો.

આ લેખ અનુવાદિત છે. મુખ્ય લેખ વાંચવા માટે અહીં ક્લિક કરો