શું તમે ક્યારેય બર્મ્યુડા ટ્રાઇંગલ જેવી કોઈ નદી વિષે સાંભળ્યું છે? દિલ્લીના એક અંધાર ખૂણામાં આવો જ એક રાઝ છુપાયેલો છે જે વિષે તમને ખ્યાલ નથી. રોહિણી પાસે એક એવું સરોવર છે જેને ભારતના સૌથી "ભૂતિયા" સ્થળોમાં સ્થાન આપવામાં આવ્યું છે. ખૂની નદી - દિલ્લીની માયાવી નગરીમાં આ નામ જ પૂરતું છે ડરાવવા માટે! વિચારીને જ ડર લાગતો હોય તો ત્યાં જવાથી તો જાણે શું શું થશે!
રોહિણી જિલ્લામાં ખૂની નદીની એક નાનકડી ધારા છે જેની ચારે તરફ વૃક્ષો જ છે. સ્થાનિક લોકોના મતે અહીંયા ઘણા જ અજીબ બનાવો બની ચુક્યા છે જેના કારણે આ નદીને ભૂતિયા માનવામાં આવે છે.
સ્થાનિકોના મત મુજબ આ નદી જે એની નજીક જાય એને પોતાની તરફ ખેંચતી હોવાનું માનવામાં આવે છે. ઘણા લોકો અહીં મૃત્યુ પામ્યા છે અને ઘણા એ આત્મહત્યા પણ કરી છે. અજીબ વાત એ છે કે આ નદી બહુ ઊંડી પણ નથી, એટલે જ જોઈને એવું નથી લાગતું કે અહીંયા કોઈ પ્રોબ્લેમ હોઈ શકે! અને જે લોકો અહીંયા ડૂબ્યા છે એમના શબ આજ સુધી નથી મળ્યા એ સાંભળીને તો મારી હાલત જ ખરાબ થઇ ગઈ.
સ્થાનિકોને અહીંયા કોઈના રોવાના અવાજો પણ સંભળાય છે. તમે એકલા ઉભા હો ત્યારે જાને કોઈ ઘુરી રહ્યું છે એવું પણ લાગે છે. આ કાલા જાદુની અસર છે જેણે આ નદીને શ્રાપિત કરી દીધી છે.
અહીંયા કેવી રીતે પહોંચવું?
દિલ્લી હોવાથી મેટ્રોનો સૌથી સારો વિકલ્પ તો છે જ પરંતુ તમે તમારી ગાડી લઈને પણ આવી શકો છો. રોહિણી મેટ્રો સ્ટેશન ઉતારીને તમે કોઈને પણ રસ્તો પૂછી શકો છો.
અસાધારણ અને ભૂતિયા વાતો ઘણા લોકોને પસંદ હોય છે, તમારા માંથી ઘણા લોકો આ પહેલીને ઉકેલવા પણ માગતા હશે પરંતુ અમારી સલાહ છે કે આ જગ્યાએ અંધારામાં એકલા ન જાઓ.
શું આ માત્ર વાર્તા છે કે કશું વધારે? કે પછી માત્ર આપણા મનનો ડર? તમને શું લાગે છે?
.
આ લેખ કોવિડ-19 મહામારી પહેલાં લખવામાં આવેલો છે. તેથી વાચકવર્ગને વિનંતી છે કે મુસાફરી કરતા પહેલા સ્થાનિક પ્રશાસન દ્વારા જાહેર કરવામાં આવેલા સૂચનોને ધ્યાન પર લેવા હિતાવહ છે.
