Safar Matheran Ka (Jivan)

To Bhaiyo or Behno. Aaj ham Jane wale he Matheran ke Safar me to bandh lijiye apna Sit belts or aap bhi chaliye mere is safar me mere sath #Matheran.

Is Safar ki shuruaat hoti he mere ghar ki khidki se. Mere ghar ki khidki se kai kilometre dur ek khubsurat pahad dikhta he. Or us pahad ko hamesha dekh dekh ke man me vichar aaya ki q na ham pahado me jaye or nature ke maze liya jaye. Par aap logo ko to pata hi hoga ki man me vichar to bohat jaldi aa jata he par uspe amal karne me kuch logo ko thoda samay lag hi jata he. To maan me kain tark vitark ke baad ham 4 dost logo ne vichar kiya ki Matheran jane keliye. Ek nai subah ki savere savere ham 4 dost nikal pade hamare safar me. Or hame tay karna tha kul 43km, Mumbai se Matheran. Ham logo ne subah subah Mumbai ki lifeline (Local train) ka sahara le ke nikal pade. Uske baad ham maze karte karte pohach gaye Neral Station. Waha pohach ke hame ye tay karna tha ham Mini Train se jana he ya Taxi se jana he ? Bohut soch vichar ke baad ham adventure ko nazar me rakhte hue nikal pade Mini Train se. Wah wah kya batau aap ko mini train me jane ka nirnay hamara bilkul sahi sabit hua. Jab train khule wadiyo me pahad ko chirte hue age badh raha tha us waqt bas or bas nature me kho gaye ham log or kya khoobsurat nazare the. Jab ham kuch der baad pahado ke upar pohach gaye sheher se bohat dur pradushan se dur kya hi batau aap ko dosto bohat hi jyada aanand aa raha tha. Kabhi aap bhi try kariyega jab aap achanak Pradushan bhara jagah se Matheran jese jagah me aa jate he to kya aanand aata he. Or mujhe jaroor comments me bataiyega.

Fir se ham chal pade hamare age ki safar ki aur. Pehle hamne waha ja ke ek hotel book kiya or fresh hone ke baad chal pade safar ke taraf. Matheran me ese bohat sare jagah he dekhne keliye jese ki :- Sun set Point, Echo Poin, Monkey Point, or bohat sare points. Par ham hamare traveling se thoda thake hone ke karan hamne tay kiya ki ham aaj raat hotel me masti karenge or agle din subah subah points dekhne nikal padenge. Us raat bohat maze karne ke baad subah subah nikal pade ham hamare safar me, chaliye aap bhi hamare sath, jese hi ham ek ek points dekh rahe the esa lag raha tha har ek point ek swarg he. Or waha se ane ka maan nahi kar raha tha. Jese jese sare points khatam ho rahe the or samay bit ta ja raha tha to maan chota hote ja raha tha kuch samay or ruk jaye. Par hame last Train pakadna bhi tha to hamne sare points ghumne ke baad bas usi ke yaade le ke wapas aa gaye. Or mere khidki se shuru hui soch khidki pe khatam ho gaya. Kabhi aap logo ko bhi samay mile to aap bhi jaiyega or mere sath aapki kahani share kariyega. Sach me Matheran ek Swarg se kam nahi he.

To Dosto mera Matheran ka safar yahi pe khatam hota he. Kesa laga mera safar me aake mujhe jaroor comments me bataiyega.

Dhanyawad 🙏
Jay Maharashtra 🙏.