લગ્ન કરતાં પહેલા ભારતનાં આ આઠ સ્થળોની અચૂક મુલાકાત લો

ભારત દેશને જે કુદરતી બાયો-ડાઈવર્સિટી પ્રાપ્ત થઈ છે તે ભાગ્યે જ કોઈ દેશને મળી હશે. આપણો લાંબો દરિયાકિનારો દુનિયાભરના પ્રવાસીઓનો પ્રિય છે. તો પછી તમે પણ પશ્ચિમી કિનારાની સફર કરવા નીકળી પડો. મહારાષ્ટ્રથી કન્યાકુમારી સુધી હિન્દ મહાસાગરના કિનારે રોડટ્રીપ કરવી એ તમારા જીવનની સૌથી ખાસ ક્ષણોમાંની એક બની રહેશે. કોંકણ અને મલબારના શાંત અને ઓછી ભીડ ધરાવતા બીચ તો તમારા મનમાં વસી જશે.

આપણી સંસ્કૃતિ અને પરંપરા જોઈને અચરજમાં ન મુકાઇ જાઓ. એને દિલથી અપનાવો, જોજો કેવો અદભૂત અલૌકિક અનુભવ થશે. ગંગા ઘાટ પર બેસીને આ પવિત્ર નદીને વહેતી જોવી- આનાથી વધુ રિલેકસિંગ અનુભવ તમને કોઈ મોંઘાદાટ સ્પામાં પણ નહિ થાય. દરેક વ્યક્તિ વારાણસીમાં કઈક જુદી જ લાગણી અનુભવે છે. તમે શું અનુભવો છો? તમારી સખીઓ સાથે સમજો.

'બીચ' શબ્દ સાંભળીએ એટલે કોઈ પણ છોકરીને સ્વાભાવિક રીતે જ કોઈ સુંદર વન પીસ કે પછી નાનકડી શોર્ટ્સ અને ટી-શર્ટ યાદ આવે. તમારા રોજિંદા જીવનમાં તમારું જે બિન્દાસ સ્વરૂપ ખોવાઈ જાય છે તેને બહાર લાવવાની તક અંદામાન આપે છે. સફેદ રેતી અને ચોખ્ખું ભૂરું પાણી ધરાવતા રાધાનગર બીચના કિનારે બેસીને તમને એટલી મજા આવશે કે તમને થશે કે આજીવન અહીં જ કોઈ ટ્રી-હાઉસમાં રહી જાઉં. 

ઐતિહાસિક ભવ્યતાને 'ખંડેર' સંબોધન આપતા દુ:ખ થાય છે, અને તે પણ ભારતનું હ્રદય ગણાતા મધ્ય પ્રદેશમાં! પણ આ રાજ્યમાં ખંડેર પાછળ પણ છુપાયેલી સમૃધ્ધિ જોઈને તમે અચંબામાં મુકાઇ જશો. અન્ય ગ્લોરિયસ ડેસ્ટિનેશન્સને બાજુ પર મૂકો અને હાંસિયામાં ધકેલાઇ ગયેલા ખજુરાહો, અમરકંટક, ઓરછા, ગ્વાલિયર, તેમજ વિવિધ પ્રાચીન ખજાનાઓની મુલાકાત લો. ટ્રસ્ટ મી, સહેજ પણ અફસોસ નહિ થાય. 

આ લિસ્ટની કદાચ સૌથી રોમાંચક સફર આ હશે અને આ કેવું એ તમારા જીવનની બેસ્ટ મોમેન્ટ્સમાંની એક બની રહેશે. લદ્દાખની ભૂમિને કોઈ જ પરિચયની જરુંર નથી. આ એવી જગ્યા છે જેની તસવીરો જોઈને જ કોઈ પણ પ્રવાસી ત્યાં જવા તડપી ઉઠે છે અને ત્યાં રૂબરૂ ગયા પછી તેની સુંદરતા અવર્ણનીય બની જાય છે. ત્યાં જઈને બાઇક ભાડે લો અને જીવનની વન્સ ઇન અ લાઈફટાઈમ ક્ષણો માણો. 

ભારતમાં વિશાળ રણપ્રદેશ ધરાવતું રાજસ્થાન એ એક એવું રાજ્ય છે જ્યાં દરેક જગ્યાની એક આગવી ઓળખ છે. રેતી, મહેલો અને કિલ્લાઓ એટલા બધા આકર્ષક છે જાણે કોઈ જગવિખ્યાત ડિઝાઇનરે રંગેલા હોય! અહીંની ભવ્ય સંસ્કૃતિ તમને પુષ્કળ પસંદ પડશે, તમે ચોક્કસ આ સ્થળની ફરીથી મુલાકાત લેશો. તમારી સખીઓ સાથે અહીં રોયલ ફોટોગ્રાફ્સ ક્લિક કરવાનો આનંદ માણો. 

દરેક ગ્રૂપમાં એક 'ટોમબોય' હોય છે જેના પ્લાન્સ સૌથી વિચિત્ર હોય છે અને જે સૌથી વધુ ડેરિંગવાળી એક્ટિવિટીઝ કરવા હંમેશા થનગનતી રહેતી હોય છે. તેના વિચારોને માન ન આપી તો આપણે તેના મિત્રો જ શેના? બધી જ કોમન જગ્યાઓ વચ્ચે આ એક એવી જગ્યા છે જેની ફક્ત સીધીસાદી મુલાકાત પણ તમારા પર અમીટ છાપ છોડી જશે. ઋષિકેશની ટ્રીપ તમારામાં એક નવી જ ઉર્જાનો સંચાર કરી દેશે.