પહાડ અને સમુદ્રમાંથી કોની પસંદગી કરવી? જો તમે કોઈ નિર્ણય ન કરી શકતા હોવ તો આ બીચ પસંદ કરો. કેમકે અહીં નજીકમાં તમે પર્વત પણ ફરી શકશો.
અહીં કેટલીક એવી રસપ્રદ જગ્યાઓની યાદી આપી છે જ્યાં એક કાંકરે બે પક્ષી મારી શકાય છે. મરો કહેવાનો અર્થ છે કે એક જ પ્રવાસમાં નદી અને પર્વત બંનેની મજા માણી શકાય છે.
એલિફન્ટા બીચ ટ્રેક, અંદામાન
સ્પીડબોટિંગ, સ્નોર્કલિંગ, અંડરવોટર વોક, જેટ સ્કી વગેરે જેવી વિવિધ વોટરસ્પોર્ટ્સ એક્ટિવિટીઝ માટે અંદામાનનો એલિફન્ટા બીચ ખૂબ જ વખણાય છે. સામાન્ય રીતે લોકો સ્પીડબોટમાં બેસીને જ એલિફન્ટા બીચ પહોંચતા હોય છે પણ તમે એક હરિયાળા જંગલમાં ટ્રેક કરીને પણ જઈ શકો છો.
હેવલોકમાં તમારા માટે બધું જ છે, આકર્ષક બીચ, ઘેઘૂર જંગલો, નાના-મોટા પર્વતો અને સુંદર ગામડાં.
ડિફીકલ્ટી લેવલ: ઇઝી
શ્રેષ્ઠ સમય: નવેમ્બરથી જાન્યુઆરી
ટ્રેકિંગનો સમય અને રુટ: હેવલોકથી જ સ્કૂટર રેન્ટ પર લઈને એલિફન્ટા બીચ જવા નીકળી પડો. લગભગ 300 મીટર જેટલો જંગલનો રસ્તો છે. જો તમે ચાલતા જવા ઈચ્છો તો પણ જઈ શકો છો પણ એ માટે વહેલી સવારનો સમય પસંદ કરવો જરૂરી છે. કારણકે બપોરે તડકો લાગે છે અને સાંજના સમયે જંગલમાં સાપ, વીછી જેવા જીવજંતુઓ ફરતા હોય છે.
બેકલ બીચ, કેરળ
બેંગલોરથી માત્ર 400 કિમી દૂર કેરળમાં બેકલ બીચ આવેલો છે. આ જગ્યાનો બીચ ટ્રેક ભારતનો સૌથી સુંદર બીચ ટ્રેક માનવામાં આવે છે.
અહીં ટ્રેકિંગ સમયે ખૂબ સુંદર નજારાઓ જોવા મળે છે: માછીમારોના ગામડા, રમણીય બેકવોટર્સ, સફેદ રેતી ધરાવતો દરિયાકિનારો તેમજ નયનરમ્ય સનસેટ.
ડિફીકલ્ટી લેવલ: વેરી ઇઝી
શ્રેષ્ઠ સમય: નવેમ્બરથી માર્ચ
ટ્રેકનો સમય અને રુટ: બેકલના કિલ્લાથી આ 7 કિમી લાંબો ટ્રેક શરુ થાય છે. રસ્તામાં શાંત બેકવોટર્સ ઓળંગીને આગળ વધવું પડે છે, પછી નાની ટેકરીઓ અને છેલ્લે હારબંધ નારિયેળીઓ વચ્ચેથી પસાર થઈને આ સુંદર બીચ પર પહોંચી શકાય છે.
ઓશિયન ટ્રેકથી ન્યુટી બીચ, ગોવા
આ ટ્રેક પહાડની તળેટીએ આવેલા બીચના કિનારે ચાલતા-ચાલતા જ શરુ અને પૂરો થાય છે. પહાડો પર ફેલાયેલા શાંત જંગલોમાંથી પસાર થતી વખતે અરબી સમુદ્રનો અવર્ણનીય નજારો જોવા મળે છે. વળી, રસ્તામાં આવતા નાનકડા બીચ પર તમે આરામ પણ કરી શકો છો.
ડિફીકલ્ટી લેવલ: વેરી ઇઝી
શ્રેષ્ઠ સમય: નવેમ્બરથી ફેબ્રુઆરી
ટ્રેકનો સમય અને રુટ: આ ટ્રેક માટે એક આખો દિવસ ફાળવશો તો ખૂબ એન્જોય કરી શકશો. પોરવોરિમ નામની જગ્યાએથી શરુ થતો આ ટ્રેક વેરગુલા અને માલવાન પાસે આવેલા કોચરા શ્રી રામવાડી નામનાં માછીમારોના ગામમાંથી પસાર થઈને આગળ વધે છે. રસ્તામાં ખારા કે મીઠા પાણીના નાળા તેમજ અમુક અજાણ્યા બીચ પણ આવે છે. આમ તો આ ટ્રેક પૂરો થતાં ઘણો ઓછો સમય લાગે છે પણ વિવિધ જગ્યાએ આનંદ માણતા જવું હોય તો આખો દિવસ થાય છે.
ગોકર્ણ બીચ ટ્રેક, કર્ણાટક
કર્ણાટકમાં સહ્યાદ્રીના પર્વતો અને અરબ સાગર વચ્ચે એક નાનો કસબો આવેલો છે જેનું નામ છે ગોકર્ણ. કહેવાય છે કે ભગવાન શિવ ગાયના કાનમાંથી પ્રગટ થયા હતા એટલે આ સ્થળ ગોકર્ણ કહેવાય છે. ગોવાથી આ જગ્યા માત્ર 150 કિમી દૂર આવેલી છે. વીકએન્ડમાં અહીં આસપાસ રહેતા લોકો ઘણી મોટી સંખ્યામાં ફરવા આવે છે.
ડિફીકલ્ટી લેવલ: મૉડરેટ
શ્રેષ્ઠ સમય: નવેમ્બરથી માર્ચ
ટ્રેકનો સમય અને રુટ: આમ તો આ ટ્રેક માત્ર 10 કિમીનો છે પણ વિવિધ જગ્યાઓ અને બીચનો આનંદ માણવા બે દિવસ પૂરતા છે. પહેલા દિવસે અહીં આસપાસ આવેલા કુદલ, ઓમ, હાફ મૂન, પેરેડાઈઝની મુલાકાત લો. પેરેડાઈઝ બીચ પર જ તંબૂ બાંધીને ઝગમગતા તારાઓ નીચે રાત્રિ રોકાણ કરો. બીજા દિવસે આમ જ રસ્તામાં નિર્વણા તેમજ ઘૂમતા બીચની મજા માણતા ગોકર્ણ બીચ પહોંચો.
ચાંદીપુરથી ન્યુ દીઘા ટ્રેક
આ ટ્રેક આપણી લિસ્ટનો સૌથી લાંબો ટ્રેક છે કેમકે તે ઓરિસ્સાથી પશ્ચિમ બંગાળ સુધી લંબાયેલો છે. આ ટ્રેકમાં તમને માત્ર રમણીય નજારા જ નહિ પણ બે રાજ્યોની સમૃધ્ધ સંસ્કૃતિ પણ જોવા મળશે.
ડિફીકલ્ટી લેવલ: મૉડરેટ
શ્રેષ્ઠ સમય: ઓકટોબરથી જાન્યુઆરી
ટ્રેકનો સમય અને રુટ: આ ટ્રેક પૂરો કરતાં આશરે 5 દિવસ જેટલો સમય લાગે છે. તે ઓરિસ્સાના ચાંદીપુરથી શરુ થાય છે અને વિવિધ જગ્યાઓએથી પસાર થઈને પશ્ચિમ બંગાળ રાજ્યમાં આવેલા ન્યુ દીઘા બીચ સુધી આગળ વધે છે.
.
' fill='%23359391'%3e %3cpath d='M46.1538462%2c43.5714286 L41.5%2c50 L36.8461538%2c43.5714286 L36.8670256%2c43.5714286 C36.3173077%2c42.7142857 36%2c41.6851429 36%2c40.5714286 C36%2c37.4854286 38.4535641%2c35 41.5%2c35 C44.5464359%2c35 47%2c37.4854286 47%2c40.5714286 C47%2c41.6851429 46.6826923%2c42.7142857 46.1329744%2c43.5714286 L46.1538462%2c43.5714286 Z M41.4294872%2c39 C40.6150641%2c39 39.9487179%2c39.675 39.9487179%2c40.5 C39.9487179%2c41.325 40.6150641%2c42 41.4294872%2c42 C42.2439103%2c42 42.9102564%2c41.325 42.9102564%2c40.5 C42.9102564%2c39.675 42.2439103%2c39 41.4294872%2c39 L41.4294872%2c39 Z' id='Location-white'%3e%3c/path%3e %3c/g%3e %3c/svg%3e)
