ઘરવાળાઓ ને ફરવા લઈ જવાના છે; તો તેમને અહીં લઈ જાઓ, જ્યાં આધ્યાત્મિકતા પણ છે અને મનોરંજન પણ...!!

રાજસ્થાનમાં, જો તમને દેશી અને વિદેશી સંસ્કૃતિનું જોડાણ જોવા મળે, તો તે પુષ્કરમાં જોવા મળશે. ટેકરીઓથી ઘેરાયેલા આ આધ્યાત્મિક શહેરની હવામાં એવી એક વસ્તુ છે કે માઇલ દૂરથી વિદેશી પ્રવાસીઓ અહીં ફરવા માટે જ નથી આવતા, પરંતુ ઘણા લોકો અહિ સ્થાયી પણ થાય છે.

પુષ્કરને તીર્થરાજ પણ કહેવામાં આવે છે. અહીં સવારની શરૂઆત ભારતના એકમાત્ર બ્રહ્મ મંદિરના જાપથી થાય છે, તો સાંજ ની વિદાય વરાહ ઘાટ પર યોજાનારી પ્રખ્યાત આરતી સાથે કરવામાં આવે છે. જો તમને મંદિરોમાં રુચિ છે, તો અહીં 500 મંદિરો બનાવવામાં આવ્યા છે. પરંતુ જો તમારે વિશેષ મંદિરોમાં જવું હોય તો બ્રહ્મા મંદિર સિવાય તમે નજીકના રત્નાગિરિ પર્વત પર સાવિત્રી મંદિરની મુલાકાત પણ લઈ શકો છો. જેમને મંદિરે દર્શન કરવા હોય તેઓ ત્યા દર્શન કરી લે અને  જે લોકો પ્રકૃતિ જોવાના શોખીન હોય તે પર્વત પર ફરવા જઇ શકે છે.

જો તમે ભારતીય છો, તો તમને જાણીને આશ્ચર્ય થશે કે પુષ્કરમાં એક એવું મંદિર છે જ્યાં બ્રિટિશરોને પણ અંદર પ્રવેશ નથી. આ મંદિરનું નામ રંગ જી નું મંદિર છે. જો તમને પુષ્કરના સારાફા બજારમાંથી ખરિદી કરવાની ફુરસત મળે તો આ મંદિરમાં જાઓ અને અહીંની વાર્તા જાણો. ખૂબ રસપ્રદ છે.

આકર્ષણો : કાલાબલીયા ડાન્સ, હોટ એર બલૂન રાઇડ, ઇઝરાયલી કાફે, બ્રહ્મા મંદિર

યોગ અને આધ્યાત્મિકતા માટે વિશ્વ પ્રખ્યાત ઋષિકેશ ને કોણ નથી જાણતું. ભલે તે વિકેન્ડ હોય કે શહેરની ભીડથી થોડો સમય વિતાવવો હોય; દિલ્હી, પંજાબ, રાજસ્થાન જેવા નજીકના રાજ્યોના લોકો તેમના વાહનો ઉપાડીને ગંગાના કાંઠે વસેલા આ શહેરમાં પહોંચે છે.

જો તમારા પરિવારમાં સાહસિક લોકો છે, તો પછી તેઓને રિવર રાફ્ટિંગ, બંજી જમ્પિંગ, ફ્લાઇંગ ફોક્સ, ક્લિફ ડાઇવિંગ જેવી આકર્ષક રમતથી ફુરસત મળશે નહીં. અહીં ઋષિકેશમાં પ્રોફેશનલ્સ સંપૂર્ણ સુરક્ષા સાથે રાફ્ટિંગ કરે છે, તેથી બિનજરૂરી ડરવાની જરૂર નથી.

આધ્યાત્મિકતામાં રસ ધરાવતા લોકોને અહીંના ધ્યાન અને યોગ કેન્દ્રોમાં ઘણી શાંતિ મળશે. ગંગાના કાંઠે ત્રિવેણી ઘાટમાં ડૂબકી લગાવીને સાંજની આરતી જોવાનો એક અલગ જ આનંદ છે. અહીં રહેવા માટે શ્રેષ્ઠ હોટલથી લઈને તંબુ સુધીની દરેક વસ્તુ વાજબી ભાવે ઉપલબ્ધ છે.

આકર્ષણ : યોગ, ધ્યાન, વોટર એક્ટિવિટીઝ, રાફ્ટિંગ, લક્ષ્મણ ઝુલા, કેમ્પિંગ

એક સમયે હમ્પી, ભારતના સૌથી ધનિક સામ્રાજ્ય વિજયનગર નુ એક ગામ હતું. જો પરિવાર માટે ફરવાલાયક સ્થળોને જુઓ, તો હમ્પી તમને ખૂબ પસંદ આવશે, કારણ કે તે ખૂબ શાંત જગ્યા છે.

તુંગાભદ્ર નદીના કાંઠે વસેલા હમ્પીમાં તમને દૂર દૂર સુધી ખડકો અને પહાડો દેખાશે, તેથી જો કુટુંબમાં કોઈને રોક ક્લાઇમ્બિંગનો શોખ હોય તો તે અહીં પૂર્ણ થઈ શકે છે. જ્યારે તમે નદીની બીજી બાજુ જાશો, ત્યારે તમે અનેગુંડી નામની હિપ્પી કોલોની પહોંચશો. નજીકના સનાપુર તળાવમાં કોરેકલ બોટમાં બેસીને આખા પરિવાર સાથે ફરી શકાય છે.

પરિવાર ના એવા સભ્યો માટે અહિ મોજ છે કે જેમને મંદિરો, ઐતિહાસિક સ્થળો અને પૌરાણિક કથાઓમાં રસ છે. 50 મીટર ઉંચુ વિરુપાક્ષ મંદિર અહીં ખૂબ પ્રખ્યાત છે. સાંજના સમયે પરિવારના સભ્યો સાથે માતંગા હિલ પહોંચો, ત્યાંથી ઢળતા સુરજના દ્રશ્યો દરેકના હૃદયને સ્પર્શે છે.

આકર્ષણ : મંદિરના અવશેષો, હાથી ના તબેલા, ક્લિફ જમ્પિંગ, રોક ક્લાઇમ્બીંગ

મુંબઈથી લગભગ 260 કિ.મી. દૂર, સહ્યાદ્રી પર્વતોની હરિયાળીની વચ્ચે મહાબળેશ્વર આવેલું છે. જો તમને સ્ટ્રોબેરી ઓર્ચાર્ડ્સ માટે પ્રખ્યાત મહાબળેશ્વરમાં એડવેન્ચર અને મસ્તી કરવી હોય તો લિંગામાળા ધોધ સુુુુુધી ટ્રેકિંગ કરીી શકાય છે. જો તમારે પાણી વહેતું જોવું હોય, તો ચોમાસાની ઋતુમાં જાવ. જો તમે સાથે થોડો ખોરાક પણ લેશો, તો તે પરિવાર માટે પિકનિક થઈ જશે.

અહીંથી 25 કિ.મી. દૂર પ્રતાપગઢ નો કિલ્લો, જે દૂર દૂર વાદીઓથી ઘેરાયેલ હતો, તે એક સમયે મરાઠા સામ્રાજ્યનો ખાસ ગઢ હતો. અહિ 5 કિ.મી. દૂર રાજપુરીની રહસ્યમય ગુફાઓ છે, જેમાં ભગવાન કાર્તિકેયનું મંદિર છે. તેથી આધ્યાત્મિકતા ની સાથે સાથે રોમાંચ પણ મળશે. સાંજે બધા વિલ્સન પોઇન્ટ પર પહોંચો, જ્યાંથી તમે ડૂબતા સૂર્યનુ નારંગી આકાશ કેમેરા મા કેદ કરી શકો છો.

આકર્ષણ : વેના તળાવ પર શિકારા સવારી, પ્રતાપગઢ કિલ્લો, મહાબળેશ્વર શિવ મંદિર, રાજપુરી ગુફાઓ, વાલ્લિંગટન પોઇન્ટ, કનોટ પીક

તો તમને આ ચાર વિશેષ સ્થળો વિશે જાણીને કેવુ લાગ્યુ, જ્યાં તમે આરામ કરી શકો અને પરિવાર સાથે આરામદાયક રજા માણી શકો છો. જો તમે આમાંથી કેટલાક સ્થળોની મુલાકાત લીધી હોય, તો નીચે કમેન્ટ વિભાગમાં તમારી કમેન્ટ  લખો.

તમારી જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો.

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો.

Tripoto ગુજરાતીને ફેસબુક પર ફોલો કરવા માટે અહીં ક્લિક કરો.

આ લેખ અનુવાદિત છે. મુખ્ય લેખ વાંચવા માટે અહીં ક્લિક કરો.

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સીવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ.